जिवाच्या आकांताने ओरडून अखेर तो संपला; कराड, पंढरपूर-सिंधुदुर्गशी संबंधित खून प्रकरणात मोठा उलगडा

सिंधुदुर्ग : कराड, पंढरपूर आणि सिंधुदुर्ग जिल्ह्याशी निगडित असलेल्या खून प्रकरणात आता सिंधुदुर्ग पोलिसांनी वेगाने तपास सुरू केला आहे. दारूच्या नशेत सुशांत खिल्लारेला त्यांनी कंबरेत पट्ट्याने बेदम मारहाण केली. या मारहाणीत त्याचा मृत्यू झाल्याचे धागेदोरे पोलिसांच्या हाती लागले आहेत. दोन पैकी वाचलेला आरोपी तुषार माने याने या खुनाची कबुली दिली आहे. आधी आपले मित्र दरीत कोसल्याचा बनाव करणारा माने आता पोलीसी खाक्या अनुभवायला मिळताच पोपटासारखा बोलू लागला आहे.

कमरेतील बेल्टच्या सहाय्याने बेदम मारहाण करण्यात आल्याने सुशांत खिल्लारे रा. पंढरपुर यांचा मृत्यू झाला, असा अंदाज पोलिसांनी व्यक्त केला आहे. दरम्यान या मारहाणीत वापरण्यात आलेला बेल्ट सावंतवाडी पोलिसांनी जप्त केला आहे. अटकेत असलेला संशयित तुषार पवार याला जिल्हा न्यायालयात हजर केले असता ७ दिवसांची पोलीस कोठडी देण्यात आली आहे. तर या गुन्ह्यात आणखीन काही धागेदोरे, तसेच पुरावे मिळविण्याच्या दृष्टीने सावंतवाडी पोलिसांचा तपास सुरू आहे.

एका महिलेचा २ पुरूषांसोबत सुरू होता भलताच व्यवसाय; रंगेहात पकडताच पोलिसही चक्रावले
देवघेवीच्या वादातून सुशांत खिल्लारेचा भाऊसो माने आणि तुषार पवार या दोघांनी मिळून कराड इथे खून केला होता. त्यानंतर खिल्लारे याच्या मृतदेहाची विल्हेवाट लावण्यासाठी त्यांनी आंबोली गाठली. ३१ जानेवारीला त्यांनी सायंकाळच्या सुमारास तो मृतदेह आंबोली घाटातील खोल दरीत फेकून दिला. याच वेळी या खुनातील मुख्य संशयित भाऊसो माने हा सुद्धा मृतदेहासह पाय घसरून खोल दरीत कोसळला आणि त्याचाही मृत्यू झाला होता. त्यानंतर पवार यांनी ११२ क्रमांकावर संपर्क साधून पोलिसांना आपले साथीदार घाटातील दरीत कोसळल्याची माहिती दिली. मात्र, प्रकरण संशयास्पद वाटू लागल्याने झालेल्या तपासाअंती अपघात, नाहीतर हा घातपात असल्याचे निष्पन्न झाले. त्यानंतर गुन्ह्यासाठी वापरण्यात आलेल्या गाडीसह पवार याला ताब्यात घेण्यात आले होते.

दरम्यान, सुशांत खिल्लारे यांच्या नातेवाईकांनी दिलेल्या तक्रारीनुसार तुषार माने याच्यावर खून, अॅट्रॉसिटी, पुरावा नष्ट करणे आणि अपहरण या कलमाअंतर्गत गुन्हा दाखल करून त्याला अटक करण्यात आली होती. तर त्याला जिल्हा न्यायालयात हजर केले असता सात दिवसांची पोलीस कोठडी देण्यात आली. त्यानंतर पोलीस उपविभागीय अधिकारी रोहिणी सोळंके यांनी आपल्या पथकासह गुन्ह्यासाठी वापरण्यात आलेल्या गाडीची तपासणी केली. त्यातील काही साहित्य पोलिसांकडून जप्त करण्यात आले आहे. त्यात मारहाणीसाठी वापरण्यात आलेल्या कंबर पट्ट्याचाही समावेश आहे. तर आणखीन काही पुरावे मिळतील का ? या दृष्टीने तपास करण्यासाठी पोलिसांनी न्यायालयाकडून संशयिताला ७ दिवसांची पोलीस कोठडी मागून घेतली आहे.