'पालकमंत्र्यांनी बैठकीला दोन वेळेचा डब्बा घेऊनच यावं, कारण...' नितेश राणेंचे उदय सामंतांवर टीकास्त्र

सिंधुदूर्ग : सिंधुदुर्ग जिल्हा नियोजन बैठक आज १६ नोव्हेंबरला जिल्याचं मुख्यालय ओरोस येथे सकाळी ११ वाजता पार पडणार आहे. राणेंच्या हातातून पालकमंत्री पद गेल्यानंतर जिल्हा नियोजन बैठक नेहमीच वादळी ठरत आहे. आता तर भाजपचे आमदार नितेश राणे यांनी आज होणारी नियोजन बैठक वादळी होणार असल्याचे संकेत दिले असून जिल्हा परिषदेचा विकास निधी परत जात असल्याने सर्व विषय वादळी ठरणार आहे.

जिल्हा नियोजनचा निधी नियमबाह्य पध्दतीने वितरित करणे, पालकमंत्री उदय सामंत यांच्या नातेवाईकांचा जिल्ह्यातील कारभारात ढवळाढवळ, जनतेचे प्रश्न सुटत नाहीत, जिल्ह्यात अनधिकृत व नियमबाह्य काम सुरू असल्याचे आरोप करत आमदार नितेश राणे यांनी केला. राज्याचे उच्च व तंत्रशिक्षण मंत्री व सिंधुदुर्ग जिल्हाचे पालकमंत्री उदय सामंत यांचा एकेरी उल्लेख करत पालकमंत्र्यांना घाम फोडल्याशीवाय "तो काय" रत्नागिरीला परत जात नाही. त्यामुळे पालकमंत्र्यांनी दोन वेळेचा डब्बा घेऊन नियोजन बैठकीत यावं. फुलपाखरासारखं आलं आणि गेलं तस काही होणार नाही, असं सांगत आज होणारी जिल्हा नियोजन बैठक वादळी होणार असल्याचे संकेत दिले आहेत.

नवाब मलिकांनी उघड केलं 'ते' व्हॉट्सअॅप चॅट; समीर वानखेडेंवर साधला निशाणा
या बैठकीत केंद्रीय मंत्री नारायण राणे, राज्याचे उच्च व तंत्रशिक्षण मंत्री उदय सामंत, खासदार विनायक राऊत, आमदार नितेश राणे, आमदार वैभव नाईक, आमदार दीपक केसरकर जिल्हाधिकारी के. मंजुलक्षमी, पोलीस अधीक्षक राजेंद्र दाभाडे, जिल्हा परिषद अध्यक्ष संजना सावंत तसेच जिल्हा परिषद सदस्य उपस्थित राहणार आहेत.