पंढरपूरमधे रेल्वेच्या धडकेत दोघे ठार; रुळावर दारूच्या बाटल्या आढळल्याने खळबळ

पंढरपूर : पंढरपूर रेल्वे स्टेशन परिसरात रुळावरून जाणाऱ्या चार परप्रातीय मजुरांना रेल्वेने उडवल्याने दोघांचा जागीच मृत्यू झाला असून दोघेजण गंभीर जखमी असल्याची माहिती आहे. या घटनेमुळे संपूर्ण परिसरात खळबळ उडाली असून पोलीस तपास सुरू असल्याचं सांगण्यात आलं आहे.

मिळालेल्या माहितीनुसार, पोलि‍सांनी जखमी अवस्थेत दोघांना उपजिल्हा रुग्णालयात उपचारासाठी हलविले आहे. आज पहाटेच्या सुमारास ही दुर्घटना घडली. रेल्वे रुळावर दारूच्या बाटल्याही आढळल्या आहेत. त्यामुळे हे मजूर दारू पित बसले असताना हा अपघात झाल्याचा अंदाज व्यक्त करण्यात येत आहे.

Vegetable Price Hike In Mumbai : सर्वसामान्यांच्या खिशाला कात्री; ऐन श्रावणात फळं-भाज्यांचे दर कडाडले, वाचा नवे भाव

या घटनेची माहिती मिळताच रेल्वे पोलिसांनी घटनास्थळी धाव घेत दोन जखमींना तातडीने उपचारासाठी हलवले आहे. तर मृतकांचे शवविच्छेदन करण्यात आले असून अद्याप मृत अथवा जखमींची ओळख पटलेली नाही.