बार्शी-कुर्डूवाडी रस्त्यावर अपघात;
दोन प्रवाशी ठार; एक गंभीर जखमी
सोलापूर :
बार्शीहून कुर्डूवाडीकडे जाणाऱ्या मार्गावर एका हॉटेलसमोर उभ्या असलेल्या मालट्रकला पुण्याहून लातूरला जाणारी राज्य परिवहन महामंडळाच्या एसटी बसने (एम. एच. २० बीएल ३८२१) पाठीमागून जोराची धडक दिली. या धडकेत बसमधील दोघांचा जागीच मृत्यू तर एक जण गंभीर जखमी झाल्याची घटना शुक्रवारी पहाटेच्या सुमारास घडली. सुधाकर होळकर (रा. लातूर) व दिनेश कुमुटवार (रा़ केज) अशी अपघातात ठार झालेल्यांची नावे आहेत. सात जण जखमी झाले असून, त्यांना बार्शी येथील रुग्णालयात उपचारासाठी दाखल करण्यात आले आहे.