सोलापूर-पुणे हायवेवर अपघात; चार ठार

मटा ऑनलाइन वृत्त । सोलापूर

सोलापूर-पुणे महामार्गावर आज सकाळी झालेल्या भीषण अपघातात एकाच कुटुंबातील चार जणांचा मृत्यू झाला आहे, तर दोघे जखमी झाले आहेत. मृतांमध्ये एका महिलेचाही समावेश आहे.

सोलापूर-पुणे रस्त्यावरील पाकणी गावाजवळ सकाळी नऊ वाजण्याच्या सुमारास ही घटना घडली. अक्कलकोटवरून पुण्याच्या दिशेने निघालेली बोलेरो जीप (क्र. एमएम १३ एन ९१२४) रस्त्यावर उभ्या असलेल्या एका टॅंकरला धडकली. ही धडक इतकी जोरदार होती की बोलेरो गाडीतील चार जण जागीच ठार झाले. मृतांमध्ये नारायण आलोने, गोकुळ आलोने, सुलोचना आलोने, प्रियांका आलोने यांचा समावेश आहे. तर ओंकार आलोने जखमी झाले आहेत. जखमींना उपचारासाठी जवळच्या सरकारी रुग्णालयात दाखल करण्यात आलं आहे. अपघातग्रस्त प्रवासी अक्कलकोटचे असल्याचं समजतं.