सोलापूर
सोलापूर जिल्ह्यातील अभ्यासू नेतृत्व, माजी आमदार, शेतकरी कामगार पक्षाचे ज्येष्ठ नेते भाई संपतराव मारुती ऊर्फ एस. एम. पाटील यांचे रविवारी निधन झाले. ते ८९ वर्षांचे होते. मागील काही दिवसांपासून त्यांच्यावर किडनीच्या आजारावर पिंपरी-चिंचवड येथील बिर्ला हॉस्पिटलमध्ये उपचार सुरू होते. उपचार सुरू असतानाच त्यांचे निधन झाले. त्यांच्या पश्चात भाऊ, दोन मुले, सुना नातवंडे, असा परिवार आहे. सायंकाळी माढा तालुक्यातील वरवडे येथे त्यांच्या पार्थिवावर अंत्यसंस्कार करण्यात आले.
पाटील १९६७-७२ दरम्यान माढा येथून विधानसभेवर निवडून गेले होते. सध्या ते रयत शिक्षण संस्थेचे उपाध्यक्ष आणि सोलापूर जिल्हा बँकेचे संचालक म्हणून कार्यरत होते. रयतच्या मध्य विभागाचे अध्यक्ष म्हणून त्यांनी अनेक वर्षे काम केले आहे. एसटी महामंजळाचेही ते संचालक होते. त्यांनी १९४२च्या चलेजाव आंदोलनातही सहभाग घेतला होता. ज्येष्ठ नेते प्रा. एन. डी. पाटील यांच्या संपर्कात आल्यानंतर ते शेतकरी कामगार पक्षाकडे ओढले गेले अखेरपर्यंत ते शेतकरी कामगार पक्षात सक्रिय राहिले.
सोलापूर जिल्ह्यातील अभ्यासू नेतृत्व, माजी आमदार, शेतकरी कामगार पक्षाचे ज्येष्ठ नेते भाई संपतराव मारुती ऊर्फ एस. एम. पाटील यांचे रविवारी निधन झाले. ते ८९ वर्षांचे होते. मागील काही दिवसांपासून त्यांच्यावर किडनीच्या आजारावर पिंपरी-चिंचवड येथील बिर्ला हॉस्पिटलमध्ये उपचार सुरू होते. उपचार सुरू असतानाच त्यांचे निधन झाले. त्यांच्या पश्चात भाऊ, दोन मुले, सुना नातवंडे, असा परिवार आहे. सायंकाळी माढा तालुक्यातील वरवडे येथे त्यांच्या पार्थिवावर अंत्यसंस्कार करण्यात आले.
पाटील १९६७-७२ दरम्यान माढा येथून विधानसभेवर निवडून गेले होते. सध्या ते रयत शिक्षण संस्थेचे उपाध्यक्ष आणि सोलापूर जिल्हा बँकेचे संचालक म्हणून कार्यरत होते. रयतच्या मध्य विभागाचे अध्यक्ष म्हणून त्यांनी अनेक वर्षे काम केले आहे. एसटी महामंजळाचेही ते संचालक होते. त्यांनी १९४२च्या चलेजाव आंदोलनातही सहभाग घेतला होता. ज्येष्ठ नेते प्रा. एन. डी. पाटील यांच्या संपर्कात आल्यानंतर ते शेतकरी कामगार पक्षाकडे ओढले गेले अखेरपर्यंत ते शेतकरी कामगार पक्षात सक्रिय राहिले.