सोलापुरात एसटी कर्मचाऱ्यांचे टोकाचे पाऊल, भाजपनेही दिला पाठिंबा

सोलापूर : राज्य सरकार अजून किती कर्मचाऱ्यांचे बळी घेणार आहे. एसटी कर्मचाऱ्यांच्या मागण्या तात्काळ मान्य कराव्यात अन्यथा जोपर्यंत हा संप मिटत नाही व आमच्या मागण्या मान्य होत नाहीत, तोपर्यंत मी अन्नत्याग उपोषण करणार असल्याचे एसटी कंट्रोलर मनोज मुदलियार यांनी जाहीर केले आहे. त्याला भाजपच्या स्थानिक नेतृत्वाने बळ दिलं आहे.

संपूर्ण महाराष्ट्रातून नागरीकांना परगावी प्रवास करण्याकरिता जी प्रवाशी सेवा दिली जाते. त्यामध्ये मोठया प्रमाणावर महाराष्ट्र राज्यातील एसटी कामगारांचा सिंहाचा वाटा आहे. आज एसटी कामगार यांनी जर सेवा देणे बंद केले तर नागरीकांचे हाल होतील. लोक बेहाल होऊ नये म्हणून ते सर्व सेवक आजही प्रामाणिकपणे रात्रदिवस व आपल्या कुटुंबाचा तसेच प्रकृतीचा विचार न करता अविरत सेवा देत असतात.
आज एसटी कामगार यांनी जर सेवा देणे बंद केले तर नागरीकांचे हाल होतील. लोक बेहाल होऊ नये म्हणून ते सर्व सेवक आजही प्रामाणिकपणे रात्रदिवस व आपल्या कुटुंबाचा तसेच प्रकृतीचा विचार न करता अविरत सेवा देत असतात.

सतेज पाटील यांच्याविरोधात भाजप उभा करणार तगडा उमेदवार, 'या' नावाची रंगली चर्चा
तेव्हा या सेवेपोटी त्यांना देण्यात येणारे वेतन हे मात्र अतिशय तुटपुंजे असून महाराष्ट्र राज्य सरकारी कर्मचाऱ्यांप्रमाणे वेतन देणे क्रमप्राप्त व गरजेचे आहे. परंतु, सरकार सर्वमान्य तोडगा काढण्याऐवजी कोणाचा तरी चुकीचा सल्ला एकूण निलंबनाच्या कारवाईचा बडगा उगारत आहे. ही कारवाई अशीच होत राहिली तर हे आंदोलन आणखी चिघळू शकते. हजारो लोकांच्या घरातील चूल पेटण्यासाठी आणि चांगला तोडगा काढण्यासाठी शासनाच्या सर्व लोकांनी एकत्र येणे गरजेचे आहे.

जोपर्यंत एसटी कर्मचाऱ्यांच्या मागण्या मान्य होत नाहीत त्यांना न्याय मिळत नाही तोपर्यंत आम्ही त्यांच्या बरोबर कायम खंबीरपणे उभे आहोत असे मत भाजप शहर अध्यक्ष विक्रम देशमुख यांनी बोलताना व्यक्त केले. संपूर्ण महाराष्ट्र राज्यातील एसटी कर्मचाऱ्यांना महाराष्ट्र राज्य सरकारी कर्मचाऱ्यांप्रमाणे २८ टक्के महागाई भत्ता मिळावा, राज्यसरकारी कर्मचा-यांप्रमाणे ८/१६/२४ टक्के तसेच सण, उच्चल १२५००/- रुपये मिळावा, राज्य सरकारी कर्मचाऱ्यांप्रमाणे वेतनवाढीचा दर तीन टक्के प्रमाणे मिळावा, घरभाडे मिळावे, दिवाळी भेट म्हणून रु.१५०००/- सानुग्रह अनुदान मिळावे या मागण्यांकरीता महाराष्ट्र एसटी कर्मचाऱ्यांचे सुरू असलेल्या आंदोलन स्थळी जाऊन भेट घेत आंदोलनामध्ये सहभागी होऊन भारतीय जनता पार्टीचे अध्यक्ष विक्रम देशमुख यांनी पाठिंबा दिला आहे.