​संत निवृत्तीनाथांवरील विशेषांकाचं मुख्यमंत्र्यांच्या हस्ते प्रकाशन

मटा ऑनलाइन वृत्त। पंढरपूर

संत परंपरेचा समाजिक आणि सांस्कृतिक मागोवा घेणाऱ्या ‘रिंगण’च्या संत निवृत्तीनाथ विशेषांकाचं प्रकाशन पंढरपूरच्या श्रीविठ्ठल मंदिरात मुख्यमंत्री देवेंद्र फडणवीस यांच्या हस्ते करण्यात आलं.

या विशेषांकात डॉ. सदानंद मोरे, डॉ. रावसाहेब कसबे, अभय टिळक, श्यामसुंदर मिरजकर यांच्यासह अनेक मान्यवर लेखक-पत्रकारांचे लेख आहेत.

महाराष्ट्राला घडवणाऱ्या ज्ञानेश्वर माउलींना घडवणारी 'महा'माऊली, ज्ञानेश्वरीची मूळ प्रेरणा, नाथ आणि वारकरी विचारांना जोडणारे समन्वयक,संत चळवळीने घडवलेल्या क्रांतीचे आधारवड, अशा निवृत्तीनाथांच्या अनेक पैलूंची मांडणी करण्याचा प्रयत्न या अंकात करण्यात आला आहे.

या विशेषांकाचे संपादन पत्रकार सचिन परब आणि श्रीरंग गायकवाड यांनी केलं असून चित्रकार भास्कर हांडे यांनी या अंकाचं मुखपृष्ठ रेखाटलं आहे.