पंढरपूर : विधानसभेचे विरोधी पक्षनेते देवेंद्र फडणवीस यांनी रविवारी वेळापूर येथील पुरातन अर्धनारीनटेश्वर मंदिरात शतचंडी महायज्ञ केला. अकलूज दौऱ्यावर आलेले फडणवीस वाकडी वाट करून या पांडवकालीन मंदिरात दाखल झाले. या यज्ञाची जय्यत तयारी माढ्याचे खासदार रणजित निंबाळकर व सूर्यकांत भिसे यांनी केली होती. यज्ञासाठी पंढरपूर येथून अकरा पुरोहीत आले होते. सकाळी साडेनऊ वाजता वेदमूर्ती संजय ताठे यांच्या मार्गदर्शनाखाली यज्ञाला प्रारंभ झाला. दुपारी बारा वाजता देवेंद्र फडणवीस यांनी मंदिरात येऊन यज्ञात सहभाग घेऊन संकल्प सोडला. या नंतर दुर्गामातेची विधिवत पूजा करून यज्ञाचे षोड्शोपचार पूर्ण केले. हा यज्ञ विश्वकल्याणासाठी केल्याचे सांगण्यात आले असले तरी, या यज्ञामुळे सर्व मनोकामना पूर्ण होतात, असा संकेत आहे.
देवेंद्र फडणवीसांनी केला शतचंडी यज्ञ
विधानसभेचे विरोधी पक्षनेते देवेंद्र फडणवीस यांनी रविवारी वेळापूर येथील पुरातन अर्धनारीनटेश्वर मंदिरात शतचंडी महायज्ञ केला...
महाराष्ट्र टाइम्स.कॉम 13 Jan 2020, 4:00 am