अख्खं राजकारण एकाच स्टेजवर! गडकरी, ठाकरे, पवार आणि फडणवीस 'या' कार्यक्रमासाठी येणार एकत्र

सोलापूर : देहू-आळंदी ते पंढरपूर या दोन पालखी मार्गांच्या भूमिपूजन सोहळ्यानिमित्त स्पष्टवक्ते आणि केंद्रीय रस्ते वाहतूक मंत्री नितीन गडकरी, दसरा मेळाव्यात गरजलेले राज्याचे मुख्यमंत्री उद्धव ठाकरे, परखड उपमुख्यमंत्री अजित पवार आणि नाना पाटोलेंच्या कानगोष्टी बॉम्बनंतर चर्चेचा विषय असलेले विरोधीपक्ष नेते देवेंद्र फडणवीस हे आता एकाच व्यासपीठावर एकत्र येणार आहेत. त्यामुळं या कार्यक्रमाच्या निमित्ताने राजकारणात विळ्याभोळ्याचे सख्य असणाऱ्या नेत्यांमधल्या जुगलबंदीकडं सर्वांचेच लक्ष लागून राहीलं आहे.

येत्या ३० ऑक्टोबर रोजी पंढरपुरात हा कार्यक्रम होत आहे. दरवर्षी लाखो वैष्णव भक्त भाविक देहू-आळंदीच्या या पालखीमार्गावरून देहू -आळंदी ते पंढरपूर या पायी पालखी सोहळ्यात सहभागी होतात. या वारीदरम्यान वारकऱ्यांना कोणताही त्रास होऊ नये यासाठी या मार्गाचे चौपदरीकरण करण्याचे काम हाती घेण्यात आले आहे. सध्या या महामार्गाचे पहिल्या टप्प्यातील काम प्रगतीपथावर आहे.
प्रेमभंग झाल्याने तरुणीचा चिरला गळा, ब्रेकअपनंतर नात्यात दुरावा आला अन्....
करोनामुळे नियोजित भूमिपूजन कार्यक्रम घेता आला नव्हता. त्यामुळे आता येत्या ३० ऑक्टोबर रोजी हा कार्यक्रम पंढरपुरातील रेल्वे मैदानावर होत आहे. या कार्यक्रमासाठी दहा हजार लोकांची उपस्थिती राहणार आहे. त्याचबरोबर धर्मपुरी ते जेजुरी लोणंद, लोणंद ते दिवे घाट, दिवे घाट ते हडपसर असा संत ज्ञानेश्वर महाराज पालखी मार्ग आहे. तर संत तुकाराम महाराज पालखी मार्गामध्ये पाटस ते तोंडले बोंडले १३० किलोमीटरचा रस्ता इंदापूर ते तोंडले- बोडले असा ४६ किलोमीटरचा रस्ता, पाटस ते बारामती, बारामती ते इंदापूर या रस्त्यांचा समावेश असल्याची माहिती प्रशांत परिचारक यांनी दिली आहे.

या कार्यक्रमासाठी पंढरपूर ते आळंदी या संत ज्ञानेश्वर पालखी मार्गाचा ९६५ तर पंढरपूर ते आळंदी या संत तुकाराम महाराज पालखी मार्ग ९६५ जी असा क्रमांक आहे. सध्या वाखरी ते मोहोळ ४४ किलोमीटर, वाखरी ते खडूस ३० किलोमीटर खुसी धर्मपुरी ४० किलोमीटर रस्त्याचे काम प्रगतिपथावर आहे. याच भूमिपूजन सोहळ्याच्या निमित्ताने केंद्रीय रस्ते वाहतूक मंत्री नितीन गडकरी, राज्याचे मुख्यमंत्री उद्धव ठाकरे, उपमुख्यमंत्री अजित पवार, विरोधी पक्षनेते देवेंद्र फडणवीस यांच्यासह पुणे, सातारा, सोलापूर या तिन्ही जिल्ह्यातील सर्व आमदार आणि खासदार उपस्थित राहणार आहेत. असंही प्रशांत परिचारक यांनी सांगितले आहे.