सोलापूर : एकनाथ शिंदे यांनी शिवसेनेच्या ४० आमदारांसह केलेल्या बंडानंतर राज्यातील राजकीय वातावरण तापलं होतं. मात्र याच बंडखोर ४० पैकी एक आमदार असलेल्या सांगोल्याच्या शहाजी पाटील यांची कार्यकर्त्यासोबत फोनवर संवाद साधतानाची एक ऑडिओ क्लिप व्हायरल झाली आणि सोशल मीडियावर मीम्सचा अक्षरश: पाऊस पडला. शिवसेना नेतृत्वाला आव्हान देऊन बंड केलेले आमदार काही दिवस गुवाहाटी येथील हॉटेलमध्ये वास्तव्यास होते. या हॉटेलच्या परिसराचं शहाजी पाटील यांनी 'काय झाडी, काय डोंगार आणि काय हाटील...एकदम ओक्केच,' असं म्हणत आपल्या रांगड्या भाषेत केलेलं वर्णन राज्यभरात चर्चेचा विषय ठरलं होतं. हेच शहाजी पाटील आपल्या मतदारसंघात गेल्यानंतर मात्र आक्रमक रुपात पाहायला मिळाले.
शिवसेना खासदार संजय राऊत यांनी पक्षातील बंडखोर आमदारांवर अत्यंत आक्रमक शब्दांमध्ये टीका केली होती. ही टीका जिव्हारी लागलेल्या शहाजी पाटलांनी सांगोल्यात कार्यकर्त्यांसमोर बोलताना राऊत यांचा चांगलाच समाचार घेतला. 'गुवाहाटीतील कामाख्या देवीला रेड्यांचा बळी दिला जातो. त्यामुळे राऊत म्हणाले की शिवसेनेचे ४० रेडे तिकडे बळी देण्यासाठी पाठवले आहेत. पण मी तर सांगोल्याचा माजलेला रेडा आहे. एकदा शिंगावर घेतलं तर जागचं हलूनही देणार नाही, आम्ही लढणारी माणसं आहोत,' असं म्हणत शहाजी पाटील यांनी संजय राऊत यांनी प्रत्युत्तर दिलं.
'ठाकरे घराण्याला संपवायची सुपारी'
'संजय राऊत यांनी ठाकरे कुटुंबाला संपवण्याची सुपारी घेतली आहे. राऊत दररोज धमकी देतात. पण त्यांचं मनगाट माझ्या अंगठ्याएवढं आहे. इकडे या बोकड कसं वरपून खायचं ते शिकवतो. राऊत असंच बोलत राहिले तर ठाकरे घराण्याचं काही खरं नाही. राऊतांनी आम्हाला शिवसेना शिकवायची गरज नाही, माझं नावंच शहाजी आहे,' अशा शब्दांत आमदार पाटील यांनी राऊतांवर निशाणा साधला.
सलमान खानसारखे दबंग
एकनाथ शिंदे यांच्यासोबत शिवसेनेचा एक-एक आमदार राज्याबाहेर जाऊ लागल्यानंतर शिवसेनेकडून गंभीर आरोप करण्यात आले होते. आमदारांना धमकी देऊन बळजबरीने तिकडे नेण्यात येत आहे, असं शिवसेनेकडून सांगण्यात आलं होतं. यावर बोलताना शहाजी पाटील म्हणाले की, 'बळजबरीने गाडीत टाकायला आम्ही म्हणजे काही शाळेतील पोरं नाहीत. आम्ही तर सलमान खानसारखे दबंग आहोत,' असं पाटील यांनी म्हटलं आहे.
दरम्यान, सत्ता स्थापन झाल्यानंतर आमदार शहाजी बापू पाटील पहिल्यांदाच आपल्या मतदारसंघात आले. मतदारसंघात पाटील यांचे मोठ्या जल्लोषात स्वागत करण्यात आलं. यावेळी शहाजी पाटील स्वतःला रोखू शकले नाही. पाटील यांनी कार्यकर्त्यांसोबत ठेका धरला. फटाक्यांची आतषबाजी करत आणि हलगी वाजवत कार्यकर्त्यांनी शहाजी पाटलांचं स्वागत केलं.
शिवसेना खासदार संजय राऊत यांनी पक्षातील बंडखोर आमदारांवर अत्यंत आक्रमक शब्दांमध्ये टीका केली होती. ही टीका जिव्हारी लागलेल्या शहाजी पाटलांनी सांगोल्यात कार्यकर्त्यांसमोर बोलताना राऊत यांचा चांगलाच समाचार घेतला. 'गुवाहाटीतील कामाख्या देवीला रेड्यांचा बळी दिला जातो. त्यामुळे राऊत म्हणाले की शिवसेनेचे ४० रेडे तिकडे बळी देण्यासाठी पाठवले आहेत. पण मी तर सांगोल्याचा माजलेला रेडा आहे. एकदा शिंगावर घेतलं तर जागचं हलूनही देणार नाही, आम्ही लढणारी माणसं आहोत,' असं म्हणत शहाजी पाटील यांनी संजय राऊत यांनी प्रत्युत्तर दिलं.
'ठाकरे घराण्याला संपवायची सुपारी'
'संजय राऊत यांनी ठाकरे कुटुंबाला संपवण्याची सुपारी घेतली आहे. राऊत दररोज धमकी देतात. पण त्यांचं मनगाट माझ्या अंगठ्याएवढं आहे. इकडे या बोकड कसं वरपून खायचं ते शिकवतो. राऊत असंच बोलत राहिले तर ठाकरे घराण्याचं काही खरं नाही. राऊतांनी आम्हाला शिवसेना शिकवायची गरज नाही, माझं नावंच शहाजी आहे,' अशा शब्दांत आमदार पाटील यांनी राऊतांवर निशाणा साधला.
सलमान खानसारखे दबंग
एकनाथ शिंदे यांच्यासोबत शिवसेनेचा एक-एक आमदार राज्याबाहेर जाऊ लागल्यानंतर शिवसेनेकडून गंभीर आरोप करण्यात आले होते. आमदारांना धमकी देऊन बळजबरीने तिकडे नेण्यात येत आहे, असं शिवसेनेकडून सांगण्यात आलं होतं. यावर बोलताना शहाजी पाटील म्हणाले की, 'बळजबरीने गाडीत टाकायला आम्ही म्हणजे काही शाळेतील पोरं नाहीत. आम्ही तर सलमान खानसारखे दबंग आहोत,' असं पाटील यांनी म्हटलं आहे.
दरम्यान, सत्ता स्थापन झाल्यानंतर आमदार शहाजी बापू पाटील पहिल्यांदाच आपल्या मतदारसंघात आले. मतदारसंघात पाटील यांचे मोठ्या जल्लोषात स्वागत करण्यात आलं. यावेळी शहाजी पाटील स्वतःला रोखू शकले नाही. पाटील यांनी कार्यकर्त्यांसोबत ठेका धरला. फटाक्यांची आतषबाजी करत आणि हलगी वाजवत कार्यकर्त्यांनी शहाजी पाटलांचं स्वागत केलं.