पत्नीवर चारित्र्याचा संशयातून एसआरपीएफ जवानाचा गोळीबार, एक ठार दोन जखमी

सोलापूर : पत्नीवर चारित्र्याचा संशय घेणाऱ्या एसआरपीएफ जवान पतीने केलेल्या गोळीबारात एक जण ठार तर दोन जखमी झाले आहेत. सदरची घटना बुधवारी मध्यरात्री बार्शी तालुक्यातील भातंबरे या गावात घडली आहे.

मुंबई येथे एसआरपी जवान म्हणून कार्यरत असणाऱ्या गोरोबा तुकाराम महात्मे याला आपल्या पत्नीच्या चारित्र्यावर संशय होता, अन् या संशयाचा राग मनात धरून त्याच्या जवळील सरकारी पिस्टलने गोळीबार करून नितीन बाबुराव भोसकर यांस ठार मारले तसेच बालाजी महात्मे यास जिवे ठार मारण्याच्या उद्देशाने गोळी मारून गंभीर जखमी केले. घटनेतील फिर्यादी काशिनाथ विश्वनाथ काळे व अमर जालिंदर काकडे असे दोघांनाही गोळीबार करून जिवे ठार मारण्याचा प्रयत्न केला आहे.

ठाणेकरांसाठी महत्त्वाची बातमी; शुक्रवारी पाणीपुरवठा राहणार बंद
या गोळीबारातील मृत नितीन बाबुराव भोसकर रा. सापनई, ता. कळंब जि. उस्मानाबाद यांचे शव सोलापूरात पोस्टमरतेमसाठी आणण्यात आले असून घटनेतील जखमी बालाजी महात्मे यांना खासगी रुग्णालयात उपचार सुरु आहेत. या घटनेतील गोळीबार करणाऱ्या गोरोबा भोसेकर याला वैराग पोलिसांनी ताब्यात रात्रीचं ताब्यात घेतलं असून पोलीस निरीक्षक विनय बहीर अधिक तपास करत आहेत.