राज्य नाट्य स्पर्धा १५ नोव्हेंबरपासून
सोलापूर :
५९व्या राज्य हौशी मराठी नाट्य स्पर्धांना १५ नोव्हेंबरपासून सुरुवात होत आहे. सोलापुरात होणाऱ्या प्राथमिक फेरीत एकूण १७ नाटके सादर होतील.
हुतात्मा स्मृती मंदिरात दररोज सायंकाळी सात वाजता ही नाटके होतील. राज्य सरकारच्या सांस्कृतिक कार्य संचालनालयाने त्याचे आयोजन केले आहे. रसिकांनी आस्वाद घेण्याचे आवाहन करण्यात आले आहे. १५ तारखेपासून १ डिसेंबरपर्यंत विविध नाटके सादर होणार आहेत.