सोलापुरात तृतीयपंथी सरपंच

म. टा. वृत्तसेवा, पंढरपूर

सोलापूर जिल्ह्यात माळशिरस तालुक्यातील तरंगफळ येथे ज्ञानदेव कांबळे या तृतीयपंथी उमेदवाराला गावाने भरभरून मते देऊन सरपंचपदी विजयी केले. सोला तृतीयपंथी निवडून येण्याची ही पहिलीच घटना आहे.

तरंगफळ हे माळशिरस तालुक्यातील १८०० लोकवस्तीचे दुष्काळी गाव आहे. निवडणूक जाहीर होताच अनेक दिग्गज सरपंचपदासाठी तयारीला लागले होते. गावोगाव भटकून जीवन जगणारे ज्ञानदेव कांबळे यांनीही अपक्ष लढण्याचा निर्णय घेतला. गावातील ज्येष्ठांनी त्यांना भाजपची उमेदवारी दिली. त्यांच्या विरोधात राष्ट्रवादीचे जयसिंग साळवे यांनी उमेदवारी अर्ज भरला होता. कांबळे यांना १७७ मताधिक्याने विजयी झाले. गावातील नऊ सदस्यांपैकी भाजपने सहा, राष्ट्रवादीच्या पॅनलने तीन जागा जिंकल्या. लोकांनी विश्वास दाखवला, आता गावाचा विकास करून विश्वास सार्थ ठरवणार असल्याचे कांबळे यांनी सांगितले.