प्रथमच तुफान प्रतिसाद
म. टा. वृत्तसेवा, कल्याण
नोटाबंदीनंतर बाजारात आलेल्या मंदीमुळे सर्वच उद्योजकांबरोबर बांधकाम व्यावसायलादेखील मोठा फटका बसला होता. मात्र अर्थव्यवस्थेवरील मळभ आता दूर झाले असून बांधकाम व्यावसायिकांना अच्छे दिन आल्याचे संकेत कल्याणात आयोजित एमसीएचआयच्या प्रॉपर्टी प्रदर्शनातून मिळाले. चार दिवस चाललेल्या या प्रदर्शनात थोडेथोडके नव्हे तर तब्बल १२५च्या आसपास फ्लॅट खरेदी झाल्याची माहिती एक्स्पोचे चेअरमन रवी पाटील यांनी दिली. त्यामुळे कल्याण-डोंबिवलीतील रिअल इस्टेट व्यवसायाने पुन्हा एकदा भरारी घेतल्याचे दिसत आहे.
नोव्हेंबर महिन्यातील नोटाबंदीनंतर सर्वच प्रमुख क्षेत्रामध्ये मरगळ आली होती. बांधकाम क्षेत्रही त्यातून वाचले नव्हते. त्यामुळे कोट्यवधींची गुंतवणूक करणाऱ्या वित्तीय संस्था आणि बांधकाम व्यावसायिकांना आता पुढे काय? याची चिंता सतावत होती. मात्र कल्याणात गेल्या चार दिवसांपासून आयोजित प्रॉपर्टी प्रदर्शनात घर खरेदीसाठी इच्छुक ग्राहकांचा अतिशय उत्स्फूर्त प्रतिसाद मिळाला. आजपर्यंत केवळ प्रदर्शनाला भेट देत माहिती घेण्याचा विक्रम मोडून काढत ग्राहकांनी या प्रदर्शनातच तब्बल १२५ फ्लॅट्स बुक केले. त्यामुळे आतापर्यंत आयोजित करण्यात आलेले हे सर्वात यशस्वी प्रॉपर्टी प्रदर्शन ठरल्याचे रवी पाटील यांनी सांगितले.
येत्या काळात कल्याण शहरात मोठ्या प्रमाणात पायाभूत सुविधा उपलब्ध होणार आहेत. तसेच जलवाहतूक, अनेक नवीन पूल, मेट्रो सुविधा, रिंगरोड अशा प्रकारची दळवळणाची साधने वाढणार आहेत. या सर्वांचा एकत्रित सकारात्मक परिणाम प्रदर्शनातील फ्लॅट बुकिंगवर झाल्याचे पाटील म्हणाले. ग्राहकांनी दिलेल्या या भरघोस प्रतिसादामुळे बांधकाम व्यवसायिकांमध्ये आनंदाचे वातावरण आहे.
म. टा. वृत्तसेवा, कल्याण
नोटाबंदीनंतर बाजारात आलेल्या मंदीमुळे सर्वच उद्योजकांबरोबर बांधकाम व्यावसायलादेखील मोठा फटका बसला होता. मात्र अर्थव्यवस्थेवरील मळभ आता दूर झाले असून बांधकाम व्यावसायिकांना अच्छे दिन आल्याचे संकेत कल्याणात आयोजित एमसीएचआयच्या प्रॉपर्टी प्रदर्शनातून मिळाले. चार दिवस चाललेल्या या प्रदर्शनात थोडेथोडके नव्हे तर तब्बल १२५च्या आसपास फ्लॅट खरेदी झाल्याची माहिती एक्स्पोचे चेअरमन रवी पाटील यांनी दिली. त्यामुळे कल्याण-डोंबिवलीतील रिअल इस्टेट व्यवसायाने पुन्हा एकदा भरारी घेतल्याचे दिसत आहे.
नोव्हेंबर महिन्यातील नोटाबंदीनंतर सर्वच प्रमुख क्षेत्रामध्ये मरगळ आली होती. बांधकाम क्षेत्रही त्यातून वाचले नव्हते. त्यामुळे कोट्यवधींची गुंतवणूक करणाऱ्या वित्तीय संस्था आणि बांधकाम व्यावसायिकांना आता पुढे काय? याची चिंता सतावत होती. मात्र कल्याणात गेल्या चार दिवसांपासून आयोजित प्रॉपर्टी प्रदर्शनात घर खरेदीसाठी इच्छुक ग्राहकांचा अतिशय उत्स्फूर्त प्रतिसाद मिळाला. आजपर्यंत केवळ प्रदर्शनाला भेट देत माहिती घेण्याचा विक्रम मोडून काढत ग्राहकांनी या प्रदर्शनातच तब्बल १२५ फ्लॅट्स बुक केले. त्यामुळे आतापर्यंत आयोजित करण्यात आलेले हे सर्वात यशस्वी प्रॉपर्टी प्रदर्शन ठरल्याचे रवी पाटील यांनी सांगितले.
येत्या काळात कल्याण शहरात मोठ्या प्रमाणात पायाभूत सुविधा उपलब्ध होणार आहेत. तसेच जलवाहतूक, अनेक नवीन पूल, मेट्रो सुविधा, रिंगरोड अशा प्रकारची दळवळणाची साधने वाढणार आहेत. या सर्वांचा एकत्रित सकारात्मक परिणाम प्रदर्शनातील फ्लॅट बुकिंगवर झाल्याचे पाटील म्हणाले. ग्राहकांनी दिलेल्या या भरघोस प्रतिसादामुळे बांधकाम व्यवसायिकांमध्ये आनंदाचे वातावरण आहे.