म. टा. वृत्तसेवा, नवी मुंबई
नवी मुंबई महानगरपालिका क्षेत्रातील २३ विसर्जनस्थळांवर एकूण १५,८३९ गणेशमूर्तींचे, १,३२९ गौरींचे मोठ्या उत्साहात विर्सजन करण्यात आले.
बेलापूर विभागात ५ विसर्जन स्थळांवर २,४२७ घरगुती गणेशमूर्ती, ३९ सार्वजनिक व ११६ गौरीमूर्तींचे, नेरुळ विभागात २ विसर्जन स्थळांवर २५५३ घरगुती, ४८ सार्वजनिक व २८९ गौरीमूर्ती, वाशी विभागात २ विसर्जन स्थळांवर १,२५३ घरगुती, ३० सार्वजनिक व ८० गौरीमूर्ती, तुर्भे विभागात ३ विसर्जन स्थळांवर १२१५ घरगुती, २४ सार्वजनिक व ६९ गौरीमूर्ती, कोपरखैरणे विभागात २ विसर्जन स्थळांवर २९१० घरगुती, २५ सार्वजनिक व ४६५ गौरीमूर्ती, घणसोली विभागात ४ विसर्जन स्थळांवर २६६१ घरगुती, ४८ सार्वजनिक व १२० गौरीमूर्ती, ऐरोली विभागात ३ विसर्जन स्थळांवर १,७१३ घरगुती, ३४ सार्वजनिक व ११९ गौरीमूर्ती, दिघा विभागात एका विसर्जन स्थळावर ८५८ घरगुती, एक सार्वजनिक व ७१ गौरींच्या मूर्तींचे विसर्जन करण्यात आले.
अतिरिक्त आयुक्त रवींद्र पाटील यांच्या नियंत्रणाखाली, परिमंडळ १चे उपायुक्त दादासाहेब चाबुकस्वार व परिमंडळ २चे उपायुक्त अमरिश पटनिगीरे यांच्यासह आठही विभागांचे सहाय्यक आयुक्त, विभाग अधिकारी यांच्या माध्यमातून महापालिका क्षेत्रातील २३ विसर्जनस्थळांवर आवश्यक सर्व व्यवस्था पुरविण्याकडे काटेकोर लक्ष देण्यात आले होते. त्यामुळे विसर्जनास्थळी आलेल्या गौरी-गणपतींचे अत्यंत भावपूर्ण वातावरणात सुव्यवस्थित रितीने विसर्जन पार पडले.