ठाणे: मध्य रेल्वेवरील लोकलगर्दीनं आणखी एका तरुणीचा बळी घेतला आहे. गर्दीच्या रेट्यामुळं धावत्या ट्रेनमधून पडून तरूणीचा मृत्यू झाला. डोंबिवली-कोपरदरम्यान आज सकाळी ही घटना घडली. चार्मी पासड (वय २२) असं या तरुणीचं नाव आहे. डोंबिवली स्थानकातून तिनं ट्रेन पकडली होती.
देसलेपाडा-भोपर येथील रहिवासी चार्मी हिनं आज सकाळी साधारण नऊच्या सुमारास डोंबिवली रेल्वे स्थानकातील फलाट क्रमांक पाचवरून मुंबईच्या दिशेने जाणारी जलद ट्रेन पकडली. डोंबिवली स्थानकात सकाळच्या वेळेस प्रचंड गर्दी होती. ऑफिसला पोहोचायला उशीर होऊ नये आणि लेटमार्क लागू नये म्हणून तिनं गर्दीतही ट्रेन पकडली. गर्दीमुळं तिला कशीबशी दरवाजाजवळ उभं राहायला जागा मिळाली. तिनं आत शिरण्याचा प्रयत्न केला. पण तो अपयशी ठरला. ट्रेन कोपरजवळ पोहोचली असता, गर्दीच्या रेट्यामुळं तिचा हात सुटला आणि ती ट्रेनमधून खाली पडली. यात ती गंभीर जखमी झाली. या घटनेची माहिती रेल्वे पोलिसांना मिळाली. त्यांनी तात्काळ घटनास्थळी धाव घेऊन जखमी तरुणीला जवळच्या रुग्णालयात नेले. तिथे तिला मृत घोषित करण्यात आले.
लोकलमधून पडून तरुणीचा मृत्यू
लोकलचा जीवघेणा प्रवास कधी थांबणार?
मध्य रेल्वेवरील डोंबिवली स्थानकात सकाळच्या वेळी प्रचंड गर्दी असते. यापूर्वीही अनेकांचा ट्रेनमधील गर्दीमुळं बळी गेला आहे. या लोकलगर्दीनं आणखी एका तरुणीचा बळी गेला आहे. त्यामुळं हा जीवघेणा प्रवास थांबणार कधी? गर्दी कमी करण्यासाठी रेल्वे प्रशासन काही उपाययोजना करणार का? असा सवाल विचारला जात आहे.
डोंबिवली: गर्दीमुळे लोकलमधून पडून तरुणाचा मृत्यू
देसलेपाडा-भोपर येथील रहिवासी चार्मी हिनं आज सकाळी साधारण नऊच्या सुमारास डोंबिवली रेल्वे स्थानकातील फलाट क्रमांक पाचवरून मुंबईच्या दिशेने जाणारी जलद ट्रेन पकडली. डोंबिवली स्थानकात सकाळच्या वेळेस प्रचंड गर्दी होती. ऑफिसला पोहोचायला उशीर होऊ नये आणि लेटमार्क लागू नये म्हणून तिनं गर्दीतही ट्रेन पकडली. गर्दीमुळं तिला कशीबशी दरवाजाजवळ उभं राहायला जागा मिळाली. तिनं आत शिरण्याचा प्रयत्न केला. पण तो अपयशी ठरला. ट्रेन कोपरजवळ पोहोचली असता, गर्दीच्या रेट्यामुळं तिचा हात सुटला आणि ती ट्रेनमधून खाली पडली. यात ती गंभीर जखमी झाली. या घटनेची माहिती रेल्वे पोलिसांना मिळाली. त्यांनी तात्काळ घटनास्थळी धाव घेऊन जखमी तरुणीला जवळच्या रुग्णालयात नेले. तिथे तिला मृत घोषित करण्यात आले.
लोकलमधून पडून तरुणीचा मृत्यू
लोकलचा जीवघेणा प्रवास कधी थांबणार?
मध्य रेल्वेवरील डोंबिवली स्थानकात सकाळच्या वेळी प्रचंड गर्दी असते. यापूर्वीही अनेकांचा ट्रेनमधील गर्दीमुळं बळी गेला आहे. या लोकलगर्दीनं आणखी एका तरुणीचा बळी गेला आहे. त्यामुळं हा जीवघेणा प्रवास थांबणार कधी? गर्दी कमी करण्यासाठी रेल्वे प्रशासन काही उपाययोजना करणार का? असा सवाल विचारला जात आहे.
डोंबिवली: गर्दीमुळे लोकलमधून पडून तरुणाचा मृत्यू