म. टा. वृत्तसेवा, ठाणे
प्रवाशांना वाजवी दरात वातानुकुलित आणि आरामदायी प्रवासाची सुविधा देण्यासाठी एसटी प्रशासनाने शिवशाही बस आणल्या तरी एसटीच्या ठाणे विभागातील शिवशाही बसचे वर्षभरात २६ अपघात झाले आहेत. यामध्ये कंत्राटी पद्धतीने चालणाऱ्या शिवशाही बसचे ६ आणि एसटीच्या मालकीच्या शिवशाही बसचे २० अपघात झाले आहेत. एकूण अपघातामध्ये १६ अपघात गंभीर स्वरूपाचे असल्याची माहिती पुढे आली आहे.
खासगी वाहतुकीला शह देण्यासाठी एसटी प्रशासनाने आपल्या ताफ्यात शिवशाहीचा समावेश केला आहे. या बसमध्ये वायफायसह मोबाइल चार्जिंग, पुशबॅक सीट आदी अनेक सुविधा प्रवाशांना उपलब्ध करून दिलेल्या आहेत. विशेष म्हणजे शिवशाही बसच्या तिकिटांचे दरही प्रवाशांच्या खिशाला परवडतील, इतकेच ठेवण्यात आले आहेत. त्यामुळे प्रवासी शिवशाही बसमधून प्रवास करण्यास पंसती देऊ लागला आहे. लांबपल्याच्या मार्गावरही शिवशाही बस धावत असून एसटीच्या ठाणे विभागात ठाणे-बोरीवली, ठाणे-भाईंदरसह, ठाणे-पुणे तसेच इतर मार्गावरही बस सोडण्यात आलेल्या आहेत. एसटीच्या ठाणे विभागातील एकूण शिवशाही बसची संख्या ४७ असून यामध्ये ३५ एसटीच्या मालकीच्या बस आहेत. तर, उर्वरित १२ कंत्राटी स्वरूपात चालवण्यात येतात. कंत्राटी शिवशाहीवर चालक कंत्राटदाराचे आणि वाहक एसटीचा असतो. मात्र मागील काही दिवसात राज्यभरात विविध ठिकाणी शिवशाही बसच्या झालेल्या अपघातानंतर खासगी शिवशाहीवरील चालक योग्य प्रशिक्षित असतात की नाही याबाबत प्रश्नचिन्ह निर्माण झाले होते. त्यामुळे शिवशाही बसमधून प्रवास करणाऱ्या प्रवाशांच्या सुरक्षितता धोक्यात आल्याने एसटीच्या वरिष्ठ पातळीवर खासगी बसवरील चालकांनाही चांगले प्रशिक्षण देण्याविषयी हालचाली सुरू झाल्या आहेत.
काच फुटली तरी गंभीर अपघात
शिवशाही बसला दुसरी गाडी घासून गेली किंवा गाडीची काच फुटली तरी या प्रकाराची नोंद गंभीर अपघातामध्ये केली जाते. त्यामुळे गंभीर अपघाताचा आकडा अधिक दिसत असल्याचे एसटीच्या अधिकाऱ्याचे म्हणणे आहे. वर्षभरात झालेला प्राणांतिक अपघात ठाणे-शेगाव मार्गावर झाला असल्याची माहिती एसटीच्या ठाणे विभागाकडून देण्यात आली.
प्रवाशांना वाजवी दरात वातानुकुलित आणि आरामदायी प्रवासाची सुविधा देण्यासाठी एसटी प्रशासनाने शिवशाही बस आणल्या तरी एसटीच्या ठाणे विभागातील शिवशाही बसचे वर्षभरात २६ अपघात झाले आहेत. यामध्ये कंत्राटी पद्धतीने चालणाऱ्या शिवशाही बसचे ६ आणि एसटीच्या मालकीच्या शिवशाही बसचे २० अपघात झाले आहेत. एकूण अपघातामध्ये १६ अपघात गंभीर स्वरूपाचे असल्याची माहिती पुढे आली आहे.
खासगी वाहतुकीला शह देण्यासाठी एसटी प्रशासनाने आपल्या ताफ्यात शिवशाहीचा समावेश केला आहे. या बसमध्ये वायफायसह मोबाइल चार्जिंग, पुशबॅक सीट आदी अनेक सुविधा प्रवाशांना उपलब्ध करून दिलेल्या आहेत. विशेष म्हणजे शिवशाही बसच्या तिकिटांचे दरही प्रवाशांच्या खिशाला परवडतील, इतकेच ठेवण्यात आले आहेत. त्यामुळे प्रवासी शिवशाही बसमधून प्रवास करण्यास पंसती देऊ लागला आहे. लांबपल्याच्या मार्गावरही शिवशाही बस धावत असून एसटीच्या ठाणे विभागात ठाणे-बोरीवली, ठाणे-भाईंदरसह, ठाणे-पुणे तसेच इतर मार्गावरही बस सोडण्यात आलेल्या आहेत. एसटीच्या ठाणे विभागातील एकूण शिवशाही बसची संख्या ४७ असून यामध्ये ३५ एसटीच्या मालकीच्या बस आहेत. तर, उर्वरित १२ कंत्राटी स्वरूपात चालवण्यात येतात. कंत्राटी शिवशाहीवर चालक कंत्राटदाराचे आणि वाहक एसटीचा असतो. मात्र मागील काही दिवसात राज्यभरात विविध ठिकाणी शिवशाही बसच्या झालेल्या अपघातानंतर खासगी शिवशाहीवरील चालक योग्य प्रशिक्षित असतात की नाही याबाबत प्रश्नचिन्ह निर्माण झाले होते. त्यामुळे शिवशाही बसमधून प्रवास करणाऱ्या प्रवाशांच्या सुरक्षितता धोक्यात आल्याने एसटीच्या वरिष्ठ पातळीवर खासगी बसवरील चालकांनाही चांगले प्रशिक्षण देण्याविषयी हालचाली सुरू झाल्या आहेत.
काच फुटली तरी गंभीर अपघात
शिवशाही बसला दुसरी गाडी घासून गेली किंवा गाडीची काच फुटली तरी या प्रकाराची नोंद गंभीर अपघातामध्ये केली जाते. त्यामुळे गंभीर अपघाताचा आकडा अधिक दिसत असल्याचे एसटीच्या अधिकाऱ्याचे म्हणणे आहे. वर्षभरात झालेला प्राणांतिक अपघात ठाणे-शेगाव मार्गावर झाला असल्याची माहिती एसटीच्या ठाणे विभागाकडून देण्यात आली.