वसई : वसई-विरारमध्ये गुरुवारी दिवसभरात ३६ नवीन करोना रुग्ण आढळून आले. वसईत आतापर्यंत सर्वाधिक रुग्णांची नोंद झाली आहे, तर दोघांचा मृत्यू झाला आहे. गुरुवारी आढळून आलेल्या रुग्णांमध्ये विरारमधील १६, नालासोपारामधील १९ रुग्णांचा समावेश आहे. एकूण रुग्णसंख्या ४१०वर पोहोचली आहे. उपचारादरम्यान नालासोपारा पूर्व येथील ४४ वर्षीय व्यक्ती, तर नायगाव पश्चिम येथील ४८ वर्षीय महिलेचा मृत्यू झाला. वसईतील मृत रुग्णांची संख्या १७वर पोहोचली आहे. वसईतील ५१ वर्षांच्या सहाय्यक पोलिस निरीक्षकाला करोनाची लागण झाल्याचे समोर आले. हे सहाय्यक पोलिस निरीक्षक मुलुंड येथे राहत असून बुधवारी त्यांचे नमुने घेतले होते. त्यांची पत्नीही मुलुंड येथे परिचारिका असून कोविड विभागात काम करत असल्याची माहिती मिळाली आहे.
वसईत ३६ जणांना लागण
वसई-विरारमध्ये गुरुवारी दिवसभरात ३६ नवीन करोना रुग्ण आढळून आले वसईत आतापर्यंत सर्वाधिक रुग्णांची नोंद झाली आहे, तर दोघांचा मृत्यू झाला आहे...
महाराष्ट्र टाइम्स.कॉम 22 May 2020, 4:00 am