ठाणे स्थानकातील एस्कलेटरच्या तांत्रिक बिघाडाचा फटका
म. टा. प्रतिनिधी, ठाणे
ठाणे रेल्वे स्थानकातील प्लॅटफॉर्म १वरील सरकत्या जिन्यामध्ये अचानक निर्माण झालेल्या तांत्रिक बिघाडामुळे चार प्रवासी घसरून पडल्याची घटना शुक्रवारी रात्री घडली. यातील काहींच्या डोक्याला आणि हाताला टाके मारण्यात आल्याचे डॉक्टरांकडून सांगण्यात आले. आश्चर्य म्हणजे ही किरकोळ घटना असून, गर्दीमुळे हा प्रकार घडल्याचा व यात कोणीही जखमी झाले नसल्याचा दावा रेल्वे प्रशासनाकडून करण्यात आला.
ठाणे रेल्वे स्थानकातील सरकते जिने अनेकवेळा तांत्रिक बिघाडामुळे बंद असतात. यामुळे मन:स्ताप सहन करावा लागत असताना घडलेल्या या घटनेमुळे प्रवाशांमध्ये संतापाचे वातावरण आहे. रात्री ८च्या सुमारास होम प्लॅटफॉर्मवर गाडी आल्यानंतर उतरणारे प्रवासी सरकत्या जिन्याने वर चढू लागले. परंतु अचानक बाजूचा पट्टा तुटल्याने वर चढणारा जिना खालच्या दिशेने घसरला. त्यामुळे यावरील प्रवासी खाली घसरून पडले. यात सुजीत ठाकूर (३१) तेजस्विनी मिश्रा (२३), कुलदीप वरे (२५) आणि सुभाष (१८) हे प्रवासी जखमी झाले. त्यांच्यावर वैद्यकीय उपचार केंद्रामध्ये प्रथमोपचार करून त्यांना घरी सोडण्यात आले.
म. टा. प्रतिनिधी, ठाणे
ठाणे रेल्वे स्थानकातील प्लॅटफॉर्म १वरील सरकत्या जिन्यामध्ये अचानक निर्माण झालेल्या तांत्रिक बिघाडामुळे चार प्रवासी घसरून पडल्याची घटना शुक्रवारी रात्री घडली. यातील काहींच्या डोक्याला आणि हाताला टाके मारण्यात आल्याचे डॉक्टरांकडून सांगण्यात आले. आश्चर्य म्हणजे ही किरकोळ घटना असून, गर्दीमुळे हा प्रकार घडल्याचा व यात कोणीही जखमी झाले नसल्याचा दावा रेल्वे प्रशासनाकडून करण्यात आला.
ठाणे रेल्वे स्थानकातील सरकते जिने अनेकवेळा तांत्रिक बिघाडामुळे बंद असतात. यामुळे मन:स्ताप सहन करावा लागत असताना घडलेल्या या घटनेमुळे प्रवाशांमध्ये संतापाचे वातावरण आहे. रात्री ८च्या सुमारास होम प्लॅटफॉर्मवर गाडी आल्यानंतर उतरणारे प्रवासी सरकत्या जिन्याने वर चढू लागले. परंतु अचानक बाजूचा पट्टा तुटल्याने वर चढणारा जिना खालच्या दिशेने घसरला. त्यामुळे यावरील प्रवासी खाली घसरून पडले. यात सुजीत ठाकूर (३१) तेजस्विनी मिश्रा (२३), कुलदीप वरे (२५) आणि सुभाष (१८) हे प्रवासी जखमी झाले. त्यांच्यावर वैद्यकीय उपचार केंद्रामध्ये प्रथमोपचार करून त्यांना घरी सोडण्यात आले.