ठाणेः बांबूची परांची कोसळली; ७ कामगार जखमी

ठाणे

बांधकामासाठी बांधलेली बांबूची परांची कोसळल्याने ७ कामगार जखमी झाल्याची घटना ठाण्यात घडली. बाळकुम परिसरातील रुणवाल गार्डन सिटी कॉम्प्लेक्समध्ये आज सकाळी ही दुर्घटना घडली आहे.

रुणवाल गार्डन सिटी कॉम्प्लेक्समध्ये बांधकाम सुरू आहे. कामगारांना वर चढण्यासाठी बांबूची परांची बांधण्यात आली आहे. आज सकाळी ही परांची तुटल्याने अपघात घडल्याची माहिती प्रत्यक्षदर्शींनी दिली. पराची कोसळून ७ कामगार जखमी झाले असून यातील तिघांची प्रकृती चिंताजनक आहे. चार कामगारांना प्राथमिक उपचार केल्यानंतर घरी सोडण्यात आले आहे. तर तीन जणांवर कोळशेत येथील एका खासगी हॉस्पिटलमध्ये उपचार सुरू आहेत.


ही बातमी इंग्रजीमध्ये वाचा