म. टा. वृत्तसेवा, ठाणे
मापात चोरी करणाऱ्या पेट्रोलपंपांवरील कारवाई पोलिसांनी अधिक तीव्र केली असून, यातून मुंबई, ठाण्यासह संपूर्ण राज्यातच याचे जाळे पसरल्याचे समोर आले आहे. गुन्हे शाखेच्या सूत्रांनी दिलेल्या माहितीनुसार जवळपास ९० टक्के पेट्रोलपंपांवर मायक्रोचिप बसवून इंधनचोरी होत आहे. आतापर्यंत १३ पेट्रोलपंप सील करण्यात आले असून, सात जणांना अटक करण्यात आली आहे.
इंधन ज्या युनिटमधून भरले जाते, त्याच्या पल्सरमध्ये चिप बसवून पेट्रोल आणि डिझेल कमी प्रमाणात ग्राहकांना दिले जात असल्याचे सर्वप्रथम ठाणे आणि डोंबिवलीत समोर आले होते. त्यानंतर गुन्हे शाखेच्या रडारवर राज्यभरातील शेकडो पेट्रोल पंप आले. आतापर्यंत जवळपास २० पेट्रोलपंपांची तपासणी करण्यात आली. गेल्या सहा दिवसांत ठाणे, भिवंडी, नाशिक, पुणे, खोपोली, कसारा, बदलापूर, कल्याण येथील १३ पेट्रोलपंप सील करण्यात आले आहेत. कसारा येथील पेट्रोलपंपावर चार डिस्पेन्सिंग युनिट असून, त्यातून एका लिटरमधील १५० मिली, १७० मिलीलिटर इंधनाची चोरी केली जात होती.
चोरीचे प्रकार पाहून पेट्रोलपंपांवर छापे घालण्यासाठी विविध पथके बनवण्यात आली आहेत. पोलिसांसोबत वैधमापनशास्त्र विभागाचे कर्मचारीही असतात. संशयास्पद वाटणाऱ्या पंपावर धडक देत डिस्पेन्सिंग युनिटमधून पेट्रोल तसेच डिझेलचे योग्य वितरण होते की नाही, याची खातरजमा केली जाते. चोरीसाठी पेट्रोलपंप मालक कंट्रोल कार्ड, कीपॅडमध्येही फेरफार करत असल्याचे समोर आले आहे. उत्तर प्रदेश पोलिसांनी मे महिन्यात अटक केलेल्या विवेक शेट्ये आणि अविनाश नाईक या दोघांना चौकशीसाठी ठाणे पोलिस ताब्यात घेणार असल्याचेही समजते.
मेंटेनन्स कंपनीकडे बोट
पोलिसांच्या या कारवाईची दुसरी बाजू मांडण्यासाठी डीलर असोसिएशनने पत्रकार परिषद घेतली. यामध्ये पोलिस मारहाण करतात, कर्मचाऱ्यांचे मोबाइल जप्त करण्यात येतात, अशी तक्रारींची जंत्री वाचली. मात्र त्याचवेळी मशिनचे मेटेनन्स कंपनी करते, असे सांगत आपली बाजू सावरण्याचा प्रयत्न करण्यात आला. तसेच युनिटमध्ये फेरफार केल्याचे आढळल्यास संबंधित युनिट सील करावे, संपूर्ण पेट्रोलपंप सील करण्याची गरज काय, असा पवित्राही घेतला.
मापात चोरी करणाऱ्या पेट्रोलपंपांवरील कारवाई पोलिसांनी अधिक तीव्र केली असून, यातून मुंबई, ठाण्यासह संपूर्ण राज्यातच याचे जाळे पसरल्याचे समोर आले आहे. गुन्हे शाखेच्या सूत्रांनी दिलेल्या माहितीनुसार जवळपास ९० टक्के पेट्रोलपंपांवर मायक्रोचिप बसवून इंधनचोरी होत आहे. आतापर्यंत १३ पेट्रोलपंप सील करण्यात आले असून, सात जणांना अटक करण्यात आली आहे.
इंधन ज्या युनिटमधून भरले जाते, त्याच्या पल्सरमध्ये चिप बसवून पेट्रोल आणि डिझेल कमी प्रमाणात ग्राहकांना दिले जात असल्याचे सर्वप्रथम ठाणे आणि डोंबिवलीत समोर आले होते. त्यानंतर गुन्हे शाखेच्या रडारवर राज्यभरातील शेकडो पेट्रोल पंप आले. आतापर्यंत जवळपास २० पेट्रोलपंपांची तपासणी करण्यात आली. गेल्या सहा दिवसांत ठाणे, भिवंडी, नाशिक, पुणे, खोपोली, कसारा, बदलापूर, कल्याण येथील १३ पेट्रोलपंप सील करण्यात आले आहेत. कसारा येथील पेट्रोलपंपावर चार डिस्पेन्सिंग युनिट असून, त्यातून एका लिटरमधील १५० मिली, १७० मिलीलिटर इंधनाची चोरी केली जात होती.
चोरीचे प्रकार पाहून पेट्रोलपंपांवर छापे घालण्यासाठी विविध पथके बनवण्यात आली आहेत. पोलिसांसोबत वैधमापनशास्त्र विभागाचे कर्मचारीही असतात. संशयास्पद वाटणाऱ्या पंपावर धडक देत डिस्पेन्सिंग युनिटमधून पेट्रोल तसेच डिझेलचे योग्य वितरण होते की नाही, याची खातरजमा केली जाते. चोरीसाठी पेट्रोलपंप मालक कंट्रोल कार्ड, कीपॅडमध्येही फेरफार करत असल्याचे समोर आले आहे. उत्तर प्रदेश पोलिसांनी मे महिन्यात अटक केलेल्या विवेक शेट्ये आणि अविनाश नाईक या दोघांना चौकशीसाठी ठाणे पोलिस ताब्यात घेणार असल्याचेही समजते.
मेंटेनन्स कंपनीकडे बोट
पोलिसांच्या या कारवाईची दुसरी बाजू मांडण्यासाठी डीलर असोसिएशनने पत्रकार परिषद घेतली. यामध्ये पोलिस मारहाण करतात, कर्मचाऱ्यांचे मोबाइल जप्त करण्यात येतात, अशी तक्रारींची जंत्री वाचली. मात्र त्याचवेळी मशिनचे मेटेनन्स कंपनी करते, असे सांगत आपली बाजू सावरण्याचा प्रयत्न करण्यात आला. तसेच युनिटमध्ये फेरफार केल्याचे आढळल्यास संबंधित युनिट सील करावे, संपूर्ण पेट्रोलपंप सील करण्याची गरज काय, असा पवित्राही घेतला.