ठाणे : मुंबईतील भायखळा येथून अंबरनाथला सिगारेटचा माल घेऊन निघालेला टेम्पोचालक अचानक गायब झाला आहे. टेम्पोत तब्बल ९९ लाखांच्या आसपास सिगारेट असून गुन्हे शाखा या प्रकरणाची चौकशी करत आहेत. कळवा पोलिस ठाण्यात गुन्हा दाखल करण्यात आला आहे. सिगारेटचा साठा टेम्पोत भरल्यानंतर १२ जून रोजी दुपारी संतोष चौधरी टेम्पो घेऊन अंबरनाथच्या दिशेने निघाला. टेम्पोत जीपीएस यंत्रणाही बसवण्यात आली असून ट्रान्सपोर्ट कंपनीच्या व्यवस्थापनाने चालकाच्या मोबाइलवर फोन केला. मात्र फोन बंद होता. जीपीएस लोकेशन तपासल्यानंतर टेम्पोचे शेवटचे लोकेशन खारेगाव टोलनाका परिसर दाखवले. चालक रात्री उशिरापर्यंत अंबरनाथला पोहोचलाच नव्हता. टेम्पो आणि चालकाला ट्रान्सपोर्ट कंपनीने शोध घेण्याचा प्रयत्न केला. मात्र तपास काही लागला नाही. अखेर कंपनीने ठाणे गुन्हे शाखेकडे धाव घेत तक्रार केली.
९९ लाखांच्या सिगारेटचा अपहार
मुंबईतील भायखळा येथून अंबरनाथला सिगारेटचा माल घेऊन निघालेला टेम्पोचालक अचानक गायब झाला आहे...
महाराष्ट्र टाइम्स.कॉम 17 Jun 2019, 4:00 am