म. टा. वृत्तसेवा, ठाणे
मूर्तीदान, कुंडात मूर्तीच्या विसर्जनासह आता 'स्वत:चा बाप्पा स्वत: घडवा' या संकल्पनेतून मंगलमूर्ती डॉट कॉमने पर्यावरणपूरक गणेशोत्सवाला साद घातली आहे. शाडू, लाल माती आणि कागदी लगद्यापासून स्वत:च स्वत:च्या बाप्पाला साकारावे, यासाठी पर्यावरपूरक गणेशमूर्ती तयार करण्यासाठी १८ ऑगस्ट रोजी कार्यशाळा आयोजित करण्यात येणार आहे.
'प्लास्टर ऑफ पॅरिस'च्या मूर्ती पाण्यात विरघळत नसल्याने शाडूच्या मूर्तीचा आग्रह धरला जात असला तरी त्याला म्हणावा तितका प्रतिसाद मिळत नाही. पाण्यात अर्धवट विसर्जित झालेल्या मूर्तींमुळे तलावांचे प्रदूषण वाढल्याचे चित्र दरवर्षी नजरेस पडते. याला पर्याय म्हणून कृत्रिम कुंडामध्ये मूर्ती विसर्जित करण्याचा पायंडा पडला. पण आता एक पाऊल पुढे टाकत मंगलमूर्ती डॉट कॉमच्या वतीने शाडू, लाल माती आणि कागदी लगद्यापासून मूर्ती साकारण्याची कला गणेशभक्तांसाठी उपलब्ध करून दिली आहे. गेल्या पाच वर्षांपासून ही कार्यशाळा घेतली जात असून यंदाच्या कार्यशाळेमध्ये रत्नागिरीचे दीपक बडेकर हे शाडूची मूर्ती साकारण्याची कला लोकांपर्यंत पोहचविणार आहेत. तर, पुण्याच्या आसावरी सावंत या लाल मातीपासून आणि सिंधुदुर्गचे नारायण परब हे कागदी लगद्यापासून मूर्ती घडविण्याचे धडे भक्तांना देणार आहेत. तसेच, ही मूर्ती घडविताना यामध्ये रोपांचे बी घालण्यात येणार असून जेणेकरून मूर्ती कुंडीत विसर्जित केल्यानंतर काही दिवसांत त्यातून रोप येऊन घराची शोभा वाढणार आहे. ही कार्यशाळा १८ ऑगस्ट रोजी, सकाळी १० वाजता ठाण्यातील कापूरबावडी परिसरातील कला भवन येथील तिसऱ्या मजल्यावर होणार आहे. या कार्यशाळेचे शुल्क ३०० रुपये आहे.
या कार्यशाळेत लहान मुलांपासून अगदी ७० वर्षांच्या आजींचा सहभाग असतो. या कार्यशाळेच्या माध्यमातून लहान मुलांमध्ये पर्यावरणपूरक गणेशात्सवाची आवड निर्माण करण्याचा उद्देश आहे. शिवाय शाडूसह लाल माती आणि कागदी लगद्याचा पर्यायही उपलब्ध असल्याचे लोकांपर्यंत पोहोचविण्याचा प्रयत्न केला जात आहे.
महेश कदम, संस्थाचालक, मंगलमूर्ती डॉट कॉम
मूर्तीदान, कुंडात मूर्तीच्या विसर्जनासह आता 'स्वत:चा बाप्पा स्वत: घडवा' या संकल्पनेतून मंगलमूर्ती डॉट कॉमने पर्यावरणपूरक गणेशोत्सवाला साद घातली आहे. शाडू, लाल माती आणि कागदी लगद्यापासून स्वत:च स्वत:च्या बाप्पाला साकारावे, यासाठी पर्यावरपूरक गणेशमूर्ती तयार करण्यासाठी १८ ऑगस्ट रोजी कार्यशाळा आयोजित करण्यात येणार आहे.
'प्लास्टर ऑफ पॅरिस'च्या मूर्ती पाण्यात विरघळत नसल्याने शाडूच्या मूर्तीचा आग्रह धरला जात असला तरी त्याला म्हणावा तितका प्रतिसाद मिळत नाही. पाण्यात अर्धवट विसर्जित झालेल्या मूर्तींमुळे तलावांचे प्रदूषण वाढल्याचे चित्र दरवर्षी नजरेस पडते. याला पर्याय म्हणून कृत्रिम कुंडामध्ये मूर्ती विसर्जित करण्याचा पायंडा पडला. पण आता एक पाऊल पुढे टाकत मंगलमूर्ती डॉट कॉमच्या वतीने शाडू, लाल माती आणि कागदी लगद्यापासून मूर्ती साकारण्याची कला गणेशभक्तांसाठी उपलब्ध करून दिली आहे. गेल्या पाच वर्षांपासून ही कार्यशाळा घेतली जात असून यंदाच्या कार्यशाळेमध्ये रत्नागिरीचे दीपक बडेकर हे शाडूची मूर्ती साकारण्याची कला लोकांपर्यंत पोहचविणार आहेत. तर, पुण्याच्या आसावरी सावंत या लाल मातीपासून आणि सिंधुदुर्गचे नारायण परब हे कागदी लगद्यापासून मूर्ती घडविण्याचे धडे भक्तांना देणार आहेत. तसेच, ही मूर्ती घडविताना यामध्ये रोपांचे बी घालण्यात येणार असून जेणेकरून मूर्ती कुंडीत विसर्जित केल्यानंतर काही दिवसांत त्यातून रोप येऊन घराची शोभा वाढणार आहे. ही कार्यशाळा १८ ऑगस्ट रोजी, सकाळी १० वाजता ठाण्यातील कापूरबावडी परिसरातील कला भवन येथील तिसऱ्या मजल्यावर होणार आहे. या कार्यशाळेचे शुल्क ३०० रुपये आहे.
या कार्यशाळेत लहान मुलांपासून अगदी ७० वर्षांच्या आजींचा सहभाग असतो. या कार्यशाळेच्या माध्यमातून लहान मुलांमध्ये पर्यावरणपूरक गणेशात्सवाची आवड निर्माण करण्याचा उद्देश आहे. शिवाय शाडूसह लाल माती आणि कागदी लगद्याचा पर्यायही उपलब्ध असल्याचे लोकांपर्यंत पोहोचविण्याचा प्रयत्न केला जात आहे.
महेश कदम, संस्थाचालक, मंगलमूर्ती डॉट कॉम