खासदार श्रीकांत शिंदेंच्या कार्यालयावरील हल्ला प्रकरण: ५ सेना पदाधिकाऱ्यांवर गुन्हा दाखल

उल्हासनगर : खासदार डॉ. श्रीकांत शिंदे (Dr. Shrikant Shinde) यांच्या उल्हासनगर शहरातील त्यांच्या मध्यवर्ती कार्यालयावर शनिवारी काही शिवसैनिकांनी हल्ला करत कार्यालयाची मोडतोड केली होती. याप्रकरणी उल्हासनगरातील शाखाप्रमुख आणि एका युवा सेना शाखाधिकाऱ्यावर गुन्हा दाखल करण्यात आला आहे. (a case has been registered against 5 shiv sena office bearers)

एकनाथ शिंदे यांच्या बंडानंतर दोन दिवसांनंतर मुंबई आणि राज्यातील काही ठिकाणी बंडखोर आमदारांविरूद्ध स्थानिक शिवसेना पदाधिकारी आणि नेत्यांनी आक्रमक भूमिका घेतली. सुरुवातीला समाजमाध्यमांवरून सुरू असलेला पाठिंबा आणि विरोधाचा खेळ शुक्रवारपासून हल्ल्यामध्ये रूपांतरित झाला.

क्लिक करा आणि वाचा- 'महाराष्ट्र तुमच्यासोबत'; ठाण्यात उद्धव ठाकरे यांच्या समर्थनार्थ पहिला बॅनर

मुंबई, कोकण आणि राज्यात बंडखोर आमदारांविरूद्ध संतप्त प्रतिक्रिया उमटत असतानाच ठाणे जिल्ह्यात मात्र कोणतीही प्रतिक्रिया येत नव्हती. मात्र, शनिवारी एकनाथ शिंदे यांचा बालेकिल्ला मानल्या जाणाऱ्या ठाणे जिल्ह्यात आणि त्यांचेच पुत्र कल्याण लोकसभा मतदारसंघाचे खासदार डॉ. श्रीकांत शिंदे यांच्या उल्हासनगरच्या कार्यालयावर काही शिवसैनिकांनी हल्ला केला. यावेळी दगडांनी कार्यालयाच्या मुख्य फलक तोडण्यात आले. तेथे हजर असलेल्या पोलिसांनी तात्काळ या शिवसैनिकांना ताब्यात घेतले आणि याप्रकरणी उल्हासनगर पोलीस ठाण्यात शनिवारी उशिरा गुन्हा दाखल करण्यात आला आहे.

क्लिक करा आणि वाचा- नरेश म्हस्के यांचा ठाणे जिल्हाप्रमुखपदाचा राजीनामा; म्हणाले, ''राष्ट्रवादी' गळचेपीचा निषेध'

५ जणांवर गुन्हा दाखल

सुरेश पाटील (वय ४७, टिळकनगर शाखा प्रमुख), नितीन बोथ (वय,२७, वाल्मिकीनगर शाखा प्रमुख), उमेश पवार (वय ४१ , झुलेलाल चौक, शाखा प्रमुख), संतोष कणसे (वय ३९, फक्कडमंडी ,शाखा प्रमुख), लतेश पाटील (वय २५ शाखा प्रमुख ) आणि बाळा भगुरे (युवासेना पदाधिकारी ) असे गुन्हा दाखल झालेल्याची नावे आहेत.

क्लिक करा आणि वाचा- खासदार श्रीकांत शिंदे, महापौर म्हस्के यांना आनंद परांजपेंचे जोरदार प्रत्युत्तर, म्हणाले...