म. टा. वृत्तसेवा, पालघर
मोखाडा तालुक्यातील कुंडाचापाडा येथे गेल्या आठवड्याभरापासून तापाची साथ पसरली असून त्यात एकाच घरातील दोन मुलींचा मृत्यू झाला आहे. या घटनेनंतर आरोग्ययंत्रणा खडबडून जागी झाली. मात्र त्यासाठी दोन जीवांना प्राण गमवावे लागल्याने संताप व्यक्त होत आहे.
मोखाड्यातील कुंडाचापाडा या ७१६ लोकसंख्या असलेल्या गावात आठवडाभरापासून तापाची साथ आली आहे. या गावाताल जवळपास प्रत्येक घरात तापाचा एक रुग्ण असल्याचे निष्पन्न झाले आहे. मात्र तापाची साथ एवढ्या झपाट्याने का वाढते आहे, याबाबत आरोग्य यंत्रणेकडून कोणतेही संशोधन करण्यात आलेले नाही. ११ ऑगस्ट रोजी सावित्रा राजू गोविंद (६) या मुलीचा तर १३ ऑगस्ट रोजी तिचीच चुलत बहीण माधुरी नवश्या गोविंद (११) या मुलींचा मृत्यू झाला. यापैकी सावित्रीचा मृत्यू सरकारी अनास्थेमुळे झाल्याचा आरोप करण्यात येत आहेत. १० ऑगस्ट रोजी सावित्री तापाने फणफणली होती. तिच्या पालकांनी तिला आसे येथील प्राथमिक आरोग्य केंद्रात नेले. मात्र तिची प्रकृती नाजून असल्याने तिला मोखाडा येथील ग्रामीण रुग्णालायत हलविण्यात आले. पुढील उपचार करूनही प्रकृतीत सुधारणा होत नसल्याने तिला जव्हारच्या कुटीर रुग्णालयात हलविणे गरजेचे होते. मात्र रात्री ८ ते पाहाटे पाचपर्यंत रुग्णवाहिकाच उपलब्ध न झाल्याने अखेर खासगी वाहनातून तिला तिचे पालक जव्हार येथील रुग्णालयात घेऊन आले. तेथे पोहोचल्यानंतर काही वेळातच सावित्रीचा मृत्यू झाला.
या घटनेनंतर संपूर्ण गावात या तापाची दहशत पसरली आहे. तालुका आरोग्य अधिकारी किशोर देसले यांनी गावात आरोग्य शिबिरे लावली असून दररोज सर्वेक्षण करण्याच्या सूचना दिल्या आहेत. त्यासाठी गावामध्ये आवश्यक आरोग्य अधिकारी उपलब्ध करून देण्यात आले आहेत.
आमच्या गावाकडे डॉक्टरांचे लक्ष नाही. अखेर आमच्या गावातील लोक त्र्यंबकेश्वर, नाशिक याठिकाणी उपचारासाठी जात आहेत. आज येथील प्रत्येक घरात तापाचा एक रुग्ण आहे. अशा बेजबाबदार डॉक्टरांवर कारवाई केली पाहिजे.
नवसु थेतले, ग्रामस्थ, कुंडाचापाडा, मोखाडा
मी स्वतः त्यागावात जाऊन आलो आहे. येथील वैद्यकीय अधिकारी संतोष बिरारी यांच्याविरोधात प्रचंड तक्रारी आहेत. त्यांच्यावर कारवाई होणे गरजेचे आहे. येथील साथ आटोक्यात येईपर्यंत शिबिरे सुरू ठेवण्याच्या सूचना देण्यात आल्या आहेत.
प्रदीप वाघ, सभापती, पंचायत समिती, मोखाडा
येथील आरोग्य कर्मचाऱ्यांना सूचना देण्यात आल्या असून सध्या हे सर्व आरोग्य कर्मचारी आणि अधिकारी गावामध्येच मुक्काम करणार आहेत. दररोज घरोघरी जाऊन सर्वेक्षण करण्याचा सूचना त्यांना देण्यात आल्या असून रक्ताचे नमुनेही तपासले जात आहेत. या साथीचे नेमेके कारण शोधले जाते आहे.
किशोर देसले, तालुका आरोग्य अधिकारी, मोखाडा
मोखाडा तालुक्यातील कुंडाचापाडा येथे गेल्या आठवड्याभरापासून तापाची साथ पसरली असून त्यात एकाच घरातील दोन मुलींचा मृत्यू झाला आहे. या घटनेनंतर आरोग्ययंत्रणा खडबडून जागी झाली. मात्र त्यासाठी दोन जीवांना प्राण गमवावे लागल्याने संताप व्यक्त होत आहे.
मोखाड्यातील कुंडाचापाडा या ७१६ लोकसंख्या असलेल्या गावात आठवडाभरापासून तापाची साथ आली आहे. या गावाताल जवळपास प्रत्येक घरात तापाचा एक रुग्ण असल्याचे निष्पन्न झाले आहे. मात्र तापाची साथ एवढ्या झपाट्याने का वाढते आहे, याबाबत आरोग्य यंत्रणेकडून कोणतेही संशोधन करण्यात आलेले नाही. ११ ऑगस्ट रोजी सावित्रा राजू गोविंद (६) या मुलीचा तर १३ ऑगस्ट रोजी तिचीच चुलत बहीण माधुरी नवश्या गोविंद (११) या मुलींचा मृत्यू झाला. यापैकी सावित्रीचा मृत्यू सरकारी अनास्थेमुळे झाल्याचा आरोप करण्यात येत आहेत. १० ऑगस्ट रोजी सावित्री तापाने फणफणली होती. तिच्या पालकांनी तिला आसे येथील प्राथमिक आरोग्य केंद्रात नेले. मात्र तिची प्रकृती नाजून असल्याने तिला मोखाडा येथील ग्रामीण रुग्णालायत हलविण्यात आले. पुढील उपचार करूनही प्रकृतीत सुधारणा होत नसल्याने तिला जव्हारच्या कुटीर रुग्णालयात हलविणे गरजेचे होते. मात्र रात्री ८ ते पाहाटे पाचपर्यंत रुग्णवाहिकाच उपलब्ध न झाल्याने अखेर खासगी वाहनातून तिला तिचे पालक जव्हार येथील रुग्णालयात घेऊन आले. तेथे पोहोचल्यानंतर काही वेळातच सावित्रीचा मृत्यू झाला.
या घटनेनंतर संपूर्ण गावात या तापाची दहशत पसरली आहे. तालुका आरोग्य अधिकारी किशोर देसले यांनी गावात आरोग्य शिबिरे लावली असून दररोज सर्वेक्षण करण्याच्या सूचना दिल्या आहेत. त्यासाठी गावामध्ये आवश्यक आरोग्य अधिकारी उपलब्ध करून देण्यात आले आहेत.
आमच्या गावाकडे डॉक्टरांचे लक्ष नाही. अखेर आमच्या गावातील लोक त्र्यंबकेश्वर, नाशिक याठिकाणी उपचारासाठी जात आहेत. आज येथील प्रत्येक घरात तापाचा एक रुग्ण आहे. अशा बेजबाबदार डॉक्टरांवर कारवाई केली पाहिजे.
नवसु थेतले, ग्रामस्थ, कुंडाचापाडा, मोखाडा
मी स्वतः त्यागावात जाऊन आलो आहे. येथील वैद्यकीय अधिकारी संतोष बिरारी यांच्याविरोधात प्रचंड तक्रारी आहेत. त्यांच्यावर कारवाई होणे गरजेचे आहे. येथील साथ आटोक्यात येईपर्यंत शिबिरे सुरू ठेवण्याच्या सूचना देण्यात आल्या आहेत.
प्रदीप वाघ, सभापती, पंचायत समिती, मोखाडा
येथील आरोग्य कर्मचाऱ्यांना सूचना देण्यात आल्या असून सध्या हे सर्व आरोग्य कर्मचारी आणि अधिकारी गावामध्येच मुक्काम करणार आहेत. दररोज घरोघरी जाऊन सर्वेक्षण करण्याचा सूचना त्यांना देण्यात आल्या असून रक्ताचे नमुनेही तपासले जात आहेत. या साथीचे नेमेके कारण शोधले जाते आहे.
किशोर देसले, तालुका आरोग्य अधिकारी, मोखाडा