म. टा. प्रतिनिधी, ठाणे
ठाणे रेल्वे स्थानकाच्या पूर्वेकडील भागामध्ये रेल्वे रुळांलगत टाकण्यात आलेल्या कचऱ्याला आग लागली होती. त्यामुळे या भागात धुराचे लोट निर्माण झाले होते. आपत्ती व्यवस्थापन विभाग आणि अग्निशमन विभागाच्या पथकाने घटनास्थळी पोहोचून आग नियंत्रणात आणली. सुदैवाने यामुळे रेल्वेच्या वाहतुकीवर कोणताही परिणाम झाला नाही. परंतु यामुळे रेल्वे रुळालगतच्या कचऱ्याचा प्रश्न गंभीर बनल्याचे दिसून येत आहे. गावदेवी मंदिराच्या लगत हा प्रकार घडल्याचे प्रशासनाकडून स्पष्ट करण्यात आले आहे.