बदलापूर : भिवंडी लोकसभा मतदारसंघाचे आघाडीचे उमेदवार सुरेश टावरे हे शुक्रवारी सकाळी बदलापूर रेल्वे स्थानकावर प्रवाशांची भेट घेत होते. याच वेळी स्थानक परिसरात त्यांच्या प्रचारासाठी उभ्या असलेल्या एलईडी स्क्रीन टेम्पोला दुसऱ्या एका टेम्पोने धडक दिली. या अपघातात प्रचाराच्या टेम्पोवरील एलईडी स्क्रीन थोडक्यात बचावली. अतिशय गर्दीच्या असलेल्या या ठिकाणी सकाळी कामावर जाणाऱ्या चाकरमान्यांची लोकल पकडण्यासाठी मोठी गर्दी असते. मात्र या अपघातात कोणतीही जीवितहानी झाली नाही. रिक्षाचालकांच्या मदतीने हा अडकलेला टेम्पो काढण्यात आला.
प्रचाराच्या गाडीला टेम्पोची धडक
भिवंडी लोकसभा मतदारसंघाचे आघाडीचे उमेदवार सुरेश टावरे हे शुक्रवारी सकाळी बदलापूर रेल्वे स्थानकावर प्रवाशांची भेट घेत होते...
MT 20 Apr 2019, 4:00 am