शहापूर : वैतरणा धरणक्षेत्रातून बेकायदा रेती काढून त्याची विनापरवाना वाहतूक करणारा रेतीचा ट्रक जिल्हाधिकारी कार्यालयाच्या भरारी पथकाने वैतरणा-टेंभा रस्त्यावर शनिवारी संध्याकाळी पकडला. चार ब्रास रेतीसह ट्रक असा मुद्देमाल जप्त करण्यात आला. या प्रकरणी शहापूर पोलिस ठाण्यात चोरीचा गुन्हा दाखल करण्यात आला आहे. शहापूर तालुक्यात बेकायदा रेती काढून चोरटी वाहतूक करत असल्याची माहिती जिल्हाधिकारी कार्यालयातील रेती गट शाखेच्या भरारी पथकाला मिळाली. त्यानुसार वैतरणा-टेंभा मार्गावर पाळत ठेवली असता शनिवारी संध्याकाळी एक चोरटी वाहतूक करणारा रेतीचा ट्रक भरारी पथकाने पकडला. चार ब्रास रेतीसह ट्रक खर्डी पोलिस चौकीवर जप्त करण्यात आला. याबाबत अधिक तपास शहापूर पोलिस ठाण्याचे पोलिस उपनिरीक्षक सुरज शिंदे करीत आहेत.
रेतीची तस्करी करणारा ट्रक पकडला
वैतरणा धरणक्षेत्रातून बेकायदा रेती काढून त्याची विनापरवाना वाहतूक करणारा रेतीचा ट्रक जिल्हाधिकारी कार्यालयाच्या भरारी पथकाने वैतरणा-टेंभा रस्त्यावर ...
Maharashtra Times 30 Oct 2018, 4:00 am