म. टा. वृत्तसेवा, उल्हासनगर
उल्हासनगर महापालिकेच्या सर्वसाधारणसभेत फेरीवाला हटाव मोहिमेला सुरुवात करणार असल्याचे आयुक्तांनी जाहीर केल्यानंतर मंगळवारी उशीरा कॅम्प ४ येथील मराठा विभागातील जिजामाता उद्यानाजवळ असलेल्या भाजीबाजावर पालिकेच्या पथकाने धडक कारवाई करीत भाजीबाजार जमीनदोस्त केला.
उल्हासनगर कॅम्प ४ येथील जिजामाता उद्यान ते आशीर्वाद रुग्णालय या परिसरातील फेरीवाले हटविण्याबाबतचा प्रस्ताव अपक्ष नगरसेवक विजू पाटील यांनी सर्वसाधारणसभेत मांडला. या प्रस्तावावर चर्चा करताना स्थायी समिती सभापती सुनील सुर्वे यांनी या परिसरात फेरीवाल्यांनी उच्छाद मांडला असून रस्त्याने जाणाऱ्या-येणाऱ्या नागरिकांना व वाहनचालकांना फेरीवाल्यांमुळे नाहक त्रास सोसावा लागतो. रुग्णवाहिका या वाहतूक कोंडीत अडकतात. यामुळे फेरीवाल्यांविरोधात कारवाई करावी, अशी मागणी सुर्वे यांनी केली.
याबाबत आयुक्त निंबाळकर यांनी सोमवारपासून उल्हासनगरातील सर्वच फेरीवाल्यांवर कारवाई करण्यात येणार असल्याचे जाहीर केले. त्यानुसार प्रभाग समिती ३चे प्रभारी सहायक आयुक्त शिंपी यांच्या पथकाने आचरेकर सुर्इंग मशिन ते जिजामाता चौक या रस्त्यावर लागणाऱ्या ८ हातगाड्या आणि बचल बेकरीकडे जाणाऱ्या रस्त्यावरील २० हातगाड्या जप्त केल्या. यावेळी दुकानदारांनी फूटपाथवर वाढवलेले शेड हटवत रस्ता वाहतुकीसाठी मोकळा केल्याचे सहायक आयुक्त शिंपी यांनी सांगितले.
उर्वरित ठिकाणीही होणार धडक कारवाई
चारही प्रभाग समित्यांमार्फत भोंगा वाजवत फेरीवाल्यांना रस्ते मोकळे करण्याचे आवाहन केले जात आहे. त्यांनी स्वतःहून रस्ते रिकामी न केल्यास आयुक्तांच्या आवाहनाला योग्य प्रतिसाद न दिल्यास फेरीवाल्यांवर पालिका प्रशासन ‘सर्जिकल स्ट्राईक’ करण्याच्या तयारीत असल्याचे पालिका आयुक्त राजेंद्र निंबाळकर यांनी सांगितले.
उल्हासनगर महापालिकेच्या सर्वसाधारणसभेत फेरीवाला हटाव मोहिमेला सुरुवात करणार असल्याचे आयुक्तांनी जाहीर केल्यानंतर मंगळवारी उशीरा कॅम्प ४ येथील मराठा विभागातील जिजामाता उद्यानाजवळ असलेल्या भाजीबाजावर पालिकेच्या पथकाने धडक कारवाई करीत भाजीबाजार जमीनदोस्त केला.
उल्हासनगर कॅम्प ४ येथील जिजामाता उद्यान ते आशीर्वाद रुग्णालय या परिसरातील फेरीवाले हटविण्याबाबतचा प्रस्ताव अपक्ष नगरसेवक विजू पाटील यांनी सर्वसाधारणसभेत मांडला. या प्रस्तावावर चर्चा करताना स्थायी समिती सभापती सुनील सुर्वे यांनी या परिसरात फेरीवाल्यांनी उच्छाद मांडला असून रस्त्याने जाणाऱ्या-येणाऱ्या नागरिकांना व वाहनचालकांना फेरीवाल्यांमुळे नाहक त्रास सोसावा लागतो. रुग्णवाहिका या वाहतूक कोंडीत अडकतात. यामुळे फेरीवाल्यांविरोधात कारवाई करावी, अशी मागणी सुर्वे यांनी केली.
याबाबत आयुक्त निंबाळकर यांनी सोमवारपासून उल्हासनगरातील सर्वच फेरीवाल्यांवर कारवाई करण्यात येणार असल्याचे जाहीर केले. त्यानुसार प्रभाग समिती ३चे प्रभारी सहायक आयुक्त शिंपी यांच्या पथकाने आचरेकर सुर्इंग मशिन ते जिजामाता चौक या रस्त्यावर लागणाऱ्या ८ हातगाड्या आणि बचल बेकरीकडे जाणाऱ्या रस्त्यावरील २० हातगाड्या जप्त केल्या. यावेळी दुकानदारांनी फूटपाथवर वाढवलेले शेड हटवत रस्ता वाहतुकीसाठी मोकळा केल्याचे सहायक आयुक्त शिंपी यांनी सांगितले.
उर्वरित ठिकाणीही होणार धडक कारवाई
चारही प्रभाग समित्यांमार्फत भोंगा वाजवत फेरीवाल्यांना रस्ते मोकळे करण्याचे आवाहन केले जात आहे. त्यांनी स्वतःहून रस्ते रिकामी न केल्यास आयुक्तांच्या आवाहनाला योग्य प्रतिसाद न दिल्यास फेरीवाल्यांवर पालिका प्रशासन ‘सर्जिकल स्ट्राईक’ करण्याच्या तयारीत असल्याचे पालिका आयुक्त राजेंद्र निंबाळकर यांनी सांगितले.