म. टा. प्रतिनिधी, कल्याण
बेकायदा नळ जोडण्यांद्वारे पाण्याची चोरी करत कर बुडवणाऱ्याविरोधात केडीएमसीने कडक कारवाई सुरू केली आहे. गेल्या आठवड्यात ब प्रभागात १४३ अनधिकृत नळजोडण्या खंडित केल्यावर शुक्रवारी पालिकेच्या पथकाने डोंबिवलीत १८ अवैध नळजोडण्या खंडित केल्या. त्याआधी गुरुवारी कल्याण पूर्वेकडील खडेगोळवली येथे ८६ नळजोडण्या बेकायदा असल्याचे आढळल्यावर त्यांच्यावर कारवाई करण्यात आली.
ही कारवाई पालिकेचे आयुक्त पी. वेलरासू यांच्या आदेशानुसार होत असली, तरी गेल्या अनेक वर्षांपासून या जोडण्या अस्तित्वात होत्या, अशी कबुली पालिका अधिकाऱ्यांनी दिली आहे. पाणीपुरवठा विभागाचे अधिकारी, संबंधित वॉर्ड ऑफिसर यांना आतापर्यंत या बेकायदा जोडण्या कशा दिसल्या नाहीत, याबद्दल आश्चर्य व्यक्त होत आहे. खडेगोळवली येथील नळजोडण्या अर्ध्या इंचाच्या, तर डोंबिवलीतील बेकायदा नळजोडण्या एक इंचाच्या होत्या. त्या कारवाईत दोन मोटारसुद्धा जप्त करण्यात आल्या. या पाण्याचा बेकायदा वापर करू देण्यात पालिका अधिकाऱ्यांचा हात होता का, याचीही चौकशी आयुक्तांनी करावी, अशी मागणी केली जात आहे.
बेकायदा नळ जोडण्यांद्वारे पाण्याची चोरी करत कर बुडवणाऱ्याविरोधात केडीएमसीने कडक कारवाई सुरू केली आहे. गेल्या आठवड्यात ब प्रभागात १४३ अनधिकृत नळजोडण्या खंडित केल्यावर शुक्रवारी पालिकेच्या पथकाने डोंबिवलीत १८ अवैध नळजोडण्या खंडित केल्या. त्याआधी गुरुवारी कल्याण पूर्वेकडील खडेगोळवली येथे ८६ नळजोडण्या बेकायदा असल्याचे आढळल्यावर त्यांच्यावर कारवाई करण्यात आली.
ही कारवाई पालिकेचे आयुक्त पी. वेलरासू यांच्या आदेशानुसार होत असली, तरी गेल्या अनेक वर्षांपासून या जोडण्या अस्तित्वात होत्या, अशी कबुली पालिका अधिकाऱ्यांनी दिली आहे. पाणीपुरवठा विभागाचे अधिकारी, संबंधित वॉर्ड ऑफिसर यांना आतापर्यंत या बेकायदा जोडण्या कशा दिसल्या नाहीत, याबद्दल आश्चर्य व्यक्त होत आहे. खडेगोळवली येथील नळजोडण्या अर्ध्या इंचाच्या, तर डोंबिवलीतील बेकायदा नळजोडण्या एक इंचाच्या होत्या. त्या कारवाईत दोन मोटारसुद्धा जप्त करण्यात आल्या. या पाण्याचा बेकायदा वापर करू देण्यात पालिका अधिकाऱ्यांचा हात होता का, याचीही चौकशी आयुक्तांनी करावी, अशी मागणी केली जात आहे.