नव्या बांधकामाची माहिती न देणाऱ्यांवर दंडात्मक कारवाई
म. टा. विशेष प्रतिनिधी, ठाणे
मालमत्ता कराच्या वसुलीची प्रक्रिया अधिक पारदर्शक करून पालिकेच्या तिजोरीतील आवक वाढवण्याचे प्रयत्न ठाणे महापालिकेकडून सुरू आहेत. त्याच प्रयत्नांचा एक भाग म्हणून आपल्या मालमत्तांमध्ये केलेले बदल, वाढीव बांधकामाबाबतची माहिती स्वतःहून पालिकेकडे सादर करण्याचे आवाहन ठाणेकरांना करण्यात आले आहे. पालिका त्यानंतर स्वतः सर्वेक्षण करणार असून त्यात जर मालमत्तांमधील बदल आढळले तर मालमत्ता कराच्या दुप्पट दंड किंवा व्याज आकारणी केली जाईल, असा इशारा देण्यात आला आहे.
ठाणे महापालिकेने उत्पन्नवाढीसाठी गेल्या दोन वर्षांत मालमत्ता कर आणि पाणीपट्टीत वाढ केलेली आहे. मात्र, या दोन्ही करांची वसुली सदोष पद्धतीने होत होती. ५०० चौरस फुटांवरील घरांची पाणी बिले क्षेत्रफळानुसार धाडण्याचा निर्णय पालिकेने घेतला होता. मात्र, गतवर्षी त्याची अंमलबजावणी पालिकेला करता आली नसली तरी त्यातले दोष दूर करून यंदा त्या पद्धतीने बिले पाठवली जात आहेत. त्याच धर्तीवर आता मालमत्ता करवसुली निर्दोष करण्याकडे पालिकेचा भर आहे. पालिकेच्या रेकॉर्डवर मालमत्तांच्या जशा नोंदी आहेत, त्यानुसार त्यांना बिले धाडली जात आहे. २०११-१२ साली पालिकेने त्यासाठी एक सर्वेक्षण केले होते. त्याचा आधार या बिलांसाठी घेतला जात आहे. मात्र, या नोंदी आणि प्रत्यक्षातील मालमतांचा आकार यात बरीच तफावत असते. अनेकांनी आपल्या घरांमध्ये अंतर्गत बदल करू क्षेत्रफळ वाढवलेले आहे. अनेकांनी निवासी जागेचा वापर व्यावसायिक कामांसाठी सुरू केलेला आहे. काही जणांनी मालमत्तांची पुनर्बांधणी केली आहे किंवा भाड्याने दिलेली आहे. मालमत्ता करात सुधारणा किंवा बदल करण्यासाठी त्याबाबतची माहिती पालिकेला देणे क्रमप्राप्त असते. मात्र, बहुसंख्य ठाणेकरांनी तशी माहितीच पालिकेला दिलेली नाही. त्यामुळे बिल आकारणी सदोष पद्धतीने होत आहे. हे दोष दूर करण्यासाठी पालिकेने आता ठाणेकरांनाच जाहीर आवाहन केले आहे.
…तर होईल सुटका
येत्या सात दिवसांत मालमत्तांमध्ये केलेल्या बदलांची माहिती पालिकेच्या स्थानिक प्रभाग कार्यालयांमध्ये किंवा dmctax@thanecity.gov.in या ई-मेल आयडीवर सादर करण्याचे आवाहन करण्यात आले आहे. त्यासाठी जो अर्ज करावा लागणार आहे त्याचा नमुना www.thanecity.gov.in या बेवसाइटवर उपलब्ध आहे. जे मालमत्ताधारक या मुदतीत माहिती देणार नाहीत त्यांना भविष्यात दंडात्मक कारवाईचा सामना करावा लागेल, असा इशारा उपायुक्त ओमप्रकाश दिवटे यांनी दिला आहे. येत्या काही दिवसांत ठाणे महापालिका शहरातील मालमत्तांच्या सर्वेक्षणाची व्यापक मोहीम हाती घेणार आहे. त्यामुळे मालमत्तांमधील बदल पालिकेकडे नोंदविले जाणार आहे. लोकांनी त्यापूर्वीच माहिती दिली तर भविष्यातील मालमत्ता कराच्या दुप्पट दंडाच्या कारवाईतून सुटका होऊ शकेल असेही दिवटे यांनी स्पष्ट केले आहे.
म. टा. विशेष प्रतिनिधी, ठाणे
मालमत्ता कराच्या वसुलीची प्रक्रिया अधिक पारदर्शक करून पालिकेच्या तिजोरीतील आवक वाढवण्याचे प्रयत्न ठाणे महापालिकेकडून सुरू आहेत. त्याच प्रयत्नांचा एक भाग म्हणून आपल्या मालमत्तांमध्ये केलेले बदल, वाढीव बांधकामाबाबतची माहिती स्वतःहून पालिकेकडे सादर करण्याचे आवाहन ठाणेकरांना करण्यात आले आहे. पालिका त्यानंतर स्वतः सर्वेक्षण करणार असून त्यात जर मालमत्तांमधील बदल आढळले तर मालमत्ता कराच्या दुप्पट दंड किंवा व्याज आकारणी केली जाईल, असा इशारा देण्यात आला आहे.
ठाणे महापालिकेने उत्पन्नवाढीसाठी गेल्या दोन वर्षांत मालमत्ता कर आणि पाणीपट्टीत वाढ केलेली आहे. मात्र, या दोन्ही करांची वसुली सदोष पद्धतीने होत होती. ५०० चौरस फुटांवरील घरांची पाणी बिले क्षेत्रफळानुसार धाडण्याचा निर्णय पालिकेने घेतला होता. मात्र, गतवर्षी त्याची अंमलबजावणी पालिकेला करता आली नसली तरी त्यातले दोष दूर करून यंदा त्या पद्धतीने बिले पाठवली जात आहेत. त्याच धर्तीवर आता मालमत्ता करवसुली निर्दोष करण्याकडे पालिकेचा भर आहे. पालिकेच्या रेकॉर्डवर मालमत्तांच्या जशा नोंदी आहेत, त्यानुसार त्यांना बिले धाडली जात आहे. २०११-१२ साली पालिकेने त्यासाठी एक सर्वेक्षण केले होते. त्याचा आधार या बिलांसाठी घेतला जात आहे. मात्र, या नोंदी आणि प्रत्यक्षातील मालमतांचा आकार यात बरीच तफावत असते. अनेकांनी आपल्या घरांमध्ये अंतर्गत बदल करू क्षेत्रफळ वाढवलेले आहे. अनेकांनी निवासी जागेचा वापर व्यावसायिक कामांसाठी सुरू केलेला आहे. काही जणांनी मालमत्तांची पुनर्बांधणी केली आहे किंवा भाड्याने दिलेली आहे. मालमत्ता करात सुधारणा किंवा बदल करण्यासाठी त्याबाबतची माहिती पालिकेला देणे क्रमप्राप्त असते. मात्र, बहुसंख्य ठाणेकरांनी तशी माहितीच पालिकेला दिलेली नाही. त्यामुळे बिल आकारणी सदोष पद्धतीने होत आहे. हे दोष दूर करण्यासाठी पालिकेने आता ठाणेकरांनाच जाहीर आवाहन केले आहे.
…तर होईल सुटका
येत्या सात दिवसांत मालमत्तांमध्ये केलेल्या बदलांची माहिती पालिकेच्या स्थानिक प्रभाग कार्यालयांमध्ये किंवा dmctax@thanecity.gov.in या ई-मेल आयडीवर सादर करण्याचे आवाहन करण्यात आले आहे. त्यासाठी जो अर्ज करावा लागणार आहे त्याचा नमुना www.thanecity.gov.in या बेवसाइटवर उपलब्ध आहे. जे मालमत्ताधारक या मुदतीत माहिती देणार नाहीत त्यांना भविष्यात दंडात्मक कारवाईचा सामना करावा लागेल, असा इशारा उपायुक्त ओमप्रकाश दिवटे यांनी दिला आहे. येत्या काही दिवसांत ठाणे महापालिका शहरातील मालमत्तांच्या सर्वेक्षणाची व्यापक मोहीम हाती घेणार आहे. त्यामुळे मालमत्तांमधील बदल पालिकेकडे नोंदविले जाणार आहे. लोकांनी त्यापूर्वीच माहिती दिली तर भविष्यातील मालमत्ता कराच्या दुप्पट दंडाच्या कारवाईतून सुटका होऊ शकेल असेही दिवटे यांनी स्पष्ट केले आहे.