मद्यपी तरुणाने फोडली दहीहंडी; ५५ हजारांच्या बक्षिसासह खेळाडू आरक्षणातून नोकरीची मागणी!

उल्हासनगर : गोपाळकाला उत्सवाच्या दिवशी जिल्ह्यातील विविध ठिकाणी मंडळ, राजकीय नेते, पक्ष यांनी दहीहंडीचे आयोजन केले होते. उल्हासनगरमधील कॅम्प पाच भागातील ( Dahi Handi In Ulhasnagar ) नेताजी चौक येथे जय भवानी मित्र मंडळाच्या वतीने दहीहंडीचे आयोजन करण्यात आले होते. दिवसभर अनेक गोविंदा पथकांनी सलामी देत हंडी फोडण्याचा प्रयत्न केला. मात्र त्यांना यश आले नाही. त्यामुळे रात्री साडे दहा वाजेपर्यंत हंडी फुटली नव्हती. रात्री साडे दहाच्या सुमारास दहीहंडी फोडण्याचा तयारीत गोविंदा पथके होती. चौक परिसरात मोठ्या प्रमाणावर बघ्यांची गर्दी जमली होती. त्याचवेळी हंडी बांधलेली दोराला एक तरुण लटकत हंडीकडे पुढे पुढे सरकत असल्याचे दिसून आले होते. आयोजक आणि गोविंदा पथकांनी आरडाओरडा करत त्याला थांबवण्याचा प्रयत्न केला. मात्र त्या तरुणाने थेट दहीहंडीपर्यंत जात त्याने दहीहंडी फोडली. त्यानंतर त्याला सुरक्षितरीत्या खाली उतरवण्यात आले. या प्रकारानंतर उत्सवात एकच गोंधळ उडाला होता.

पोलिसांनी हंडी फोडणाऱ्या भोला वाघमारे (२३) याला ताब्यात घेतले. ताब्यात घेतल्यानंतर त्याने मद्य प्राशन केल्याचे समोर आले. आरडाओरडा करत असल्याने पोलिसांनी त्याला अटक करून त्याच्यावर मद्यप्राशन करून गैरवर्तन केल्याप्रकरणी त्याच्यावर गुन्हा दाखल करण्यात आला. त्याला शनिवारी न्यायालयासमोर हजर केले करण्यात आले. त्याला जामीन द्यावा अशी मागणी वकील सुमित गेमनानी यांनी भोला वाघमारे याची बाजू मांडत केली. आता पुढील सुनावणीत बक्षिसाच्या रकमेवर पुन्हा युक्तिवाद केला जाईल, असे आरोपीच्या वकिलांनी सांगितले. तसेच आरोपीला राज्य सरकारच्या निर्णयानुसार खेळाडू आरक्षणातून नोकरी देण्याची मागणीही वकिलाने न्यायालयात केली.


'आरे बचाव'चं आंदोलन हाणून पाडलं, मुख्यमंत्र्यांच्या निवासस्थानी जाणाऱ्या काँग्रेस

उल्हासनगरमध्ये शिंदे गटाचे अरुण आशान यांच्या दहीहंडीत ८० फुटावर दोरीला लटकून येत भोला वाघमारे या तरुणाने दहीहंडी फोडली. यानंतर मोठा गोंधळ उडाला आणि पोलिसांनी भोलाला ताब्यात घेत अटक केली. दरम्यान, भोलाला उल्हासनगरच्या न्यायालयात हजर केले असता न्यायालयाने त्याची वैयक्तीक जातमुचलक्यावर सुटका केली. दरम्यान, आता दहीहंडी फोडण्याचे ५५ हजार ५५५ रुपये बक्षीस भोलाला मिळावे, असे वकिलांचे म्हणणे आहे. शिवाय न्यायालयाच्या देखील आपण हे निदर्शनास आणून दिल्याचे वकील सुमित गेमनानी यांनी सांगितले. ही दहीहंडी फोडण्यासाठी आवाहन आयोजकांनी केले होते, त्यात मनोरे रचून हंडी फोडावी, असा कोणताही उल्लेख नव्हता. त्यामुळे भोलाने हंडी फोडली. आता त्याला आयोजकांना बक्षीस देण्यासाठी नोटीस पाठवायची असेल तर तो वकिला मार्फत पाठवू शकतो. शिवाय भोलाने दारू पिऊन हंडी फोडली म्हणून ज्या कलमा खाली त्याला अटक झाली हे पोलिसांना न्यायालयात सिद्ध करता आलेले नाही, असे देखील वकील गेमनानी यांनी सांगितले.

नशेखोर तरुणानं दोरीवर लटकत फोडली हंडी; खासदार श्रीकांत शिंदेच्या समोर घडला प्रकार