म. टा. वृत्तसेवा, अंबरनाथ
अंबरनाथ नगरपालिकेतर्फे करण्यात येत असलेल्या भुयारी गटार योजनेचे काम अंतिम टप्प्यात आहे. सध्या अंबरनाथमधून जाणाऱ्या राज्य महामार्गाला लागून या योजनेचे काम सुरू आहे. त्यासाठी सार्वजनिक बांधकाम विभागाच्या परवानगीने ठेकेदाराने काँक्रिट रस्ता खोदून हे काम पूर्ण केले, मात्र त्यानंतर रस्ता पूर्ववत करताना अतिशय निकृष्ट दर्जाचे काम केले आहे. त्यामुळे हा रस्ता किती दिवस टिकेल, याबाबत शंकाच आहे.
राज्य महामार्गाचे काम झाल्यानंतर वर्षभरातच हा रस्ता पुन्हा भुयारी गटार योजनेसाठी खोदण्यात आला. योजनेच्या कामानंतर हा रस्ता पूर्ववत करून देण्याची जबाबदारी ठेकेदाराची असल्याचे कंत्राटात नमूद करण्यात आले आहे. या रस्त्याचा ७० मीटर भाग ठेकेदाराने भुयारी गटारासाठी खोदला आणि काम पूर्ण केले. त्यानंतर रस्ता पूर्ववत करताना संबंधीत ठेकेदाराने अत्यंत निकृष्ट दर्जाचे काम केले. बुजवलेल्या खड्ड्यावर खडी टाकून त्यावर वरवर काँक्रिट टाकण्यात येत आहे.
शिवाय १२ इंच काँक्रिटचा थर आवश्यक असताना ८ ते १० इंच काँक्रिट भरण्यात आले आहे. या रस्त्याची पाहणी करण्यासाठी पालिका अभियंते गेले असता त्यांच्यासमोर काँक्रिट व्यवस्थित प्रमाणात वापरण्यात येत असल्याचे भासविण्यात आले. मात्र अधिकाऱ्यांची पाठ फिरताच पुन्हा ठेकेदाराने कमी जाडीचे काँक्रिट भरले आहे. त्यामुळे हा रस्ता खराब होण्याची शक्यता आहे. हा रस्ता खराब आढळल्यास पुन्हा ठेकेदाराकडून काम करून घेतले जाईल, असे पालिका अधिकाऱ्यांनी स्पष्ट केले.
अंबरनाथ नगरपालिकेतर्फे करण्यात येत असलेल्या भुयारी गटार योजनेचे काम अंतिम टप्प्यात आहे. सध्या अंबरनाथमधून जाणाऱ्या राज्य महामार्गाला लागून या योजनेचे काम सुरू आहे. त्यासाठी सार्वजनिक बांधकाम विभागाच्या परवानगीने ठेकेदाराने काँक्रिट रस्ता खोदून हे काम पूर्ण केले, मात्र त्यानंतर रस्ता पूर्ववत करताना अतिशय निकृष्ट दर्जाचे काम केले आहे. त्यामुळे हा रस्ता किती दिवस टिकेल, याबाबत शंकाच आहे.
राज्य महामार्गाचे काम झाल्यानंतर वर्षभरातच हा रस्ता पुन्हा भुयारी गटार योजनेसाठी खोदण्यात आला. योजनेच्या कामानंतर हा रस्ता पूर्ववत करून देण्याची जबाबदारी ठेकेदाराची असल्याचे कंत्राटात नमूद करण्यात आले आहे. या रस्त्याचा ७० मीटर भाग ठेकेदाराने भुयारी गटारासाठी खोदला आणि काम पूर्ण केले. त्यानंतर रस्ता पूर्ववत करताना संबंधीत ठेकेदाराने अत्यंत निकृष्ट दर्जाचे काम केले. बुजवलेल्या खड्ड्यावर खडी टाकून त्यावर वरवर काँक्रिट टाकण्यात येत आहे.
शिवाय १२ इंच काँक्रिटचा थर आवश्यक असताना ८ ते १० इंच काँक्रिट भरण्यात आले आहे. या रस्त्याची पाहणी करण्यासाठी पालिका अभियंते गेले असता त्यांच्यासमोर काँक्रिट व्यवस्थित प्रमाणात वापरण्यात येत असल्याचे भासविण्यात आले. मात्र अधिकाऱ्यांची पाठ फिरताच पुन्हा ठेकेदाराने कमी जाडीचे काँक्रिट भरले आहे. त्यामुळे हा रस्ता खराब होण्याची शक्यता आहे. हा रस्ता खराब आढळल्यास पुन्हा ठेकेदाराकडून काम करून घेतले जाईल, असे पालिका अधिकाऱ्यांनी स्पष्ट केले.