अ‍ॅपशहर

स्कायवॉकची लांबी वाढणार?

शहराच्या पश्चिम भागातील अंबरनाथ रेल्वे स्थानक ते अंबरनाथ नगरपरिषदपर्यंत असलेला स्कायवॉक हा कल्याण-बदलापूर रस्त्याच्या अलीकडेपर्यंत बांधण्यात आला होता. त्यामुळे स्कायवॉकचा वापर विद्यार्थ्यांना होत नसल्याने विद्यार्थ्यांना जीव धोक्यात घालून रस्ता पार करावा लागत होता. हा स्कायवॉक रस्त्याच्या पलीकडेपर्यंत वाढवण्याच्या मागणीची दखल घेत एमएमआरडीएच्या अधिकाऱ्यांनी या स्कायवॉकचा पाहणी दौरा केला. त्यामुळे लवकरच वाढीव स्कायवॉकचे काम मार्गी लागण्याची शक्यता निर्माण झाली आहे.

Maharashtra Times 21 Apr 2017, 3:00 am
म. टा. वृत्तसेवा, अंबरनाथ
महाराष्ट्र टाइम्स.कॉम ambarnath skywalk may be extended
स्कायवॉकची लांबी वाढणार?


शहराच्या पश्चिम भागातील अंबरनाथ रेल्वे स्थानक ते अंबरनाथ नगरपरिषदपर्यंत असलेला स्कायवॉक हा कल्याण-बदलापूर रस्त्याच्या अलीकडेपर्यंत बांधण्यात आला होता. त्यामुळे स्कायवॉकचा वापर विद्यार्थ्यांना होत नसल्याने विद्यार्थ्यांना जीव धोक्यात घालून रस्ता पार करावा लागत होता. हा स्कायवॉक रस्त्याच्या पलीकडेपर्यंत वाढवण्याच्या मागणीची दखल घेत एमएमआरडीएच्या अधिकाऱ्यांनी या स्कायवॉकचा पाहणी दौरा केला. त्यामुळे लवकरच वाढीव स्कायवॉकचे काम मार्गी लागण्याची शक्यता निर्माण झाली आहे.

शहराच्या पश्चिम भागातील रेल्वे स्थानक ते नगरपरिषद मुख्यालय असा साधारण ३५० मीटर लांबीचा स्कायवॉक एमएमआरडीच्या वतीने तयार करण्यात आला, त्यासाठी ११ कोटी रुपये खर्चही करण्यात आला. मात्र हा स्कायवॉक शहरातून जाणाऱ्या राज्य हायवेच्या आधीच उतरविण्यात आल्याने विशेषत: रस्त्याच्या पलीकडे असलेल्या शाळेतील विद्यार्थ्यांना स्कायवॉक असूनही जीवघेणा राज्य हायवे ओलांडण्याची वेळ येत आहे. हीच बाब लक्षात घेऊन भाजपचे वरिष्ठ नेते किसनराव तारमळे यांनी एमएमआरडीचे आयुक्त यूपीएस मदान यांच्याकडे लेखी निवेदन देउन स्कायवॉकची लांबी वाढविण्याची मागणी केली होती. या मागणीची दखल घेऊन एमएमआरडीचे अधिकारी सुदर्शन गुंडला आणि प्रशांत वाकोडकर यांनी अंबरनाथ येथील स्कायवॉकची नुकतीच पाहणी केली. यावेळी भाजपचे किसनराव तारमळे, नगरपरिषदेचे इंजिनीअर राजेश तडवी आदी मान्यवर उपस्थित हेते.

अंबरनाथ येथील स्कायवॉकमुळे स्टेशन परिसरातून बाहेर पडण्यासाठी नागरिकांची सोय झाली असली तरी हा स्कायवॉक थेट हायवेच्या पलीकडे उतरत नसल्याने नागरिकही त्याचा फारसा वापर करत नाहीत. त्यामुळे या स्कायवॉकवर कॉलेज तरुण-तरुणी, टवाळखोर तरुण आणि गर्दुले आदींचाच वावर अधिक आढळून येत आहे. या स्कायवॉकची लांबी वाढल्यास ते राज्य हायवेच्या पलीकडे उतरविला जाईल आणि शाळकरी मुले व नागरिकांची मोठी सोय हेऊन स्कायवॉकचा खऱ्या अर्थाने वापर होईल, अशी अपेक्षा व्यक्त होत आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज