अंबरनाथ: अंबरनाथजवळ पाइपलाइन रोडवर आज, भीषण अपघात झाला. गंधकांच्या गोण्यांनी भरलेल्या ट्रकने भररस्त्यात अचानक पेट घेतला. ट्रकने पेट घेतल्यानंतर चालकानं ट्रकमधून उडी मारून स्वतःचा जीव वाचवला. मात्र, त्यानंतर ट्रक रस्त्यावरच मागे आला आणि कार आणि रिक्षाला धडक दिली. त्यानंतर रिक्षा आणि कारनेही पेट घेतला. मिळालेल्या माहितीनुसार, अंबरनाथजवळ पाइपलाइन रोडवर हा भयंकर अपघात झाला. एका ट्रकने अचानक रस्त्यातच पेट घेतला. हा ट्रक गंधकांच्या गोण्यांनी भरला होता. त्यामुळे आगीने काही वेळातच रौद्ररूप धारण केले. ट्रकने पेट घेतल्यानंतर चालकाने प्रसंगावधान राखून उडी मारून पळ काढला. त्यामुळे त्याचा जीव वाचला. मात्र, चालक ट्रक सोडून बाहेर पडल्यानंतर तो पाठीमागे जाऊ लागला. पेटता ट्रक पाठीमागील कार आणि एका रिक्षाला धडकला. काही कळायच्या आतच रिक्षा आणि कारने पेट घेतला. यामुळे रस्त्यावर बराच वेळ गोंधळ उडाला होता.
रस्त्यावरच ट्रक आणि कारने पेट घेतल्याने वाहतुकीवर परिणाम झाला होता. आजूबाजूच्या लोकांनी घटनास्थळी धाव घेतली. या दुर्घटनेबाबत माहिती मिळताच अग्निशमन दलाचे कर्मचारी घटनास्थळी पोहोचले. त्यांनी आगीवर नियंत्रण मिळवण्याचे प्रयत्न सुरू केले. या रस्त्यावरील वाहतूक बराच वेळ बंद करण्यात आली होती. काही वेळाने अग्निशमन कर्मचाऱ्यांनी आग आटोक्यात आणली. या आगीत ट्रक पूर्णपणे जळून खाक झाला. तर कारचेही मोठे नुकसान झाले. सुदैवाने यात कोणतीही हानी झाली नाही, अशी प्राथमिक माहिती मिळाली आहे. हा ट्रक मागे आल्यानंतर कठड्याला धडकला. ट्रकचा मागील जवळपास अर्धा भाग हा पुलाच्या कठड्यावर लटकलेला होता.
रस्त्यावरच ट्रक आणि कारने पेट घेतल्याने वाहतुकीवर परिणाम झाला होता. आजूबाजूच्या लोकांनी घटनास्थळी धाव घेतली. या दुर्घटनेबाबत माहिती मिळताच अग्निशमन दलाचे कर्मचारी घटनास्थळी पोहोचले. त्यांनी आगीवर नियंत्रण मिळवण्याचे प्रयत्न सुरू केले. या रस्त्यावरील वाहतूक बराच वेळ बंद करण्यात आली होती. काही वेळाने अग्निशमन कर्मचाऱ्यांनी आग आटोक्यात आणली. या आगीत ट्रक पूर्णपणे जळून खाक झाला. तर कारचेही मोठे नुकसान झाले. सुदैवाने यात कोणतीही हानी झाली नाही, अशी प्राथमिक माहिती मिळाली आहे. हा ट्रक मागे आल्यानंतर कठड्याला धडकला. ट्रकचा मागील जवळपास अर्धा भाग हा पुलाच्या कठड्यावर लटकलेला होता.