महालक्ष्मी प्रदर्शनात अमृतवेल, विकास बचतगट म. टा. वृत्तसेवा, ठाणे नवी मुंबईच्या आगरी कोळी भवन येथे २१ ऑगस्टपासून सुरू झालेल्या अतिरिक्त महालक्ष्मी सरस प्रदर्शनात ठाणे जिल्ह्यातील विकास स्वयं सहाय्यता बचत गट आणि अमृतवेल बचतगटांनी सहभाग घेतला. राज्याच्या ग्रामविकासमंत्री पंकजा मुंडे यांच्या हस्ते या प्रदर्शनाचे उद्घाटन झाले. अंबरनाथच्या हाजीमलंगवाडी येथील हे बचतगट असून विकास स्वयंसहाय्यता बचतगटाने विक्रीसाठी मसाला, कुरडई, पापड आदी वस्तू आणल्या आहेत. तर अमृतवेल बचतगटाने बाटीक प्रिंटचे कपडे विक्रीसाठी आणले आहेत. ३१ ऑगस्टपर्यंत सुरू असणाऱ्या प्रदर्शनात ग्रामीण विकास यंत्रणा जिल्हा परिषद, ठाणेच्या टीमचा सक्रिय सहभाग असल्याचे महाराष्ट्र राज्य ग्रामीण जीवन उन्नती अभियानाच्या जिल्हा व्यवस्थापक सारिका भोसले यांनी सांगितले.
महालक्ष्मी प्रदर्शनात अमृतवेल, विकास बचतगट म
महालक्ष्मी प्रदर्शनात अमृतवेल, विकास बचतगट म टा...
महाराष्ट्र टाइम्स.कॉम 24 Aug 2019, 4:00 am