अमृता फडणवीसांनी शिवसेनेला केले टार्गेट, 'काही लोक जे वेगळ्या डोक्याचे आहेत...'

डोंबिवली : डोंबिवलीमध्ये दोन गरबा उत्सवांना उपमुख्यमंत्री देवेंद्र फडणवीस यांच्या पत्नी अमृता फडणवीस ( Amruta Fadnavis Reaction On Shiv sena ) यांनी सोमवारी उपस्थिती लावली होती. यावेळी अमृता या गाणे गायल्या, तसेच ढोल देखील वाजविला. यावेळी पत्रकारांनी विचारलेल्या प्रश्नावर अमृता फडणवीस यांनी आपली प्रतिक्रिया व्यक्त केली.

मुख्यमंत्री शिंदे यांना धमक्या येत आहेत यावरून देशाची राज्याची अवस्था बिघडलेली आहे असे वाटते, अशी टीका काँग्रेस नेत्या यशोमती ठाकूर यांनी केली होती. यावर उपमुख्यमंत्री देवेंद्र फडणवीस यांच्या पत्नी अमृता यांनी प्रतिक्रिया दिली आहे. काही लोक जे वेगळ्या डोक्याचे आहेत. त्यांची मानसिकता त्यात दिसून येते. मला वाटतं त्यांच्यातलेच ते लोक असू शकतात. आपल्याला काय माहिती, यामध्ये देशाची काहीही अव्यवस्था दिसत नाही. काही खराब डोक्याच्या लोकांच्या दिमाखाची व्यवस्था दिसून येते, असा टोला अमृता फडणवीस यांनी लगावला.

Eknath Shinde : मुख्यमंत्री शिंदे आणि प्रताप सरनाईकांमध्ये वाद? पूर्वेश सरनाईकांचं ट्विट

शिवतीर्थावर दसरा मेळावा करण्याची परवानगी ठाकरे गटाला मिळाली आहे. पण आग्रह धरला असता तर शिवतीर्थ मिळाले असते, असे यावर मुख्यमंत्री एकनाथ शिंदे म्हणाले होते. यावरून ठाकरे गटाच्या नेत्या नीलम गोर्हे यांनी मुख्यमंत्री एकनाथ शिंदेंलक निशाणा साधला होता. एकनाथ शिंदे यांनी मन मोकळं ठेवावं आणि सत्ता देऊन टाकावी, असा सल्ला देऊ केला आहे. यावर अमृता फडणवीस बोलल्या. काय म्हणू याच्यावर. मुख्यमंत्री शिंदे हे चांगले काम करत आहेत आणि मला वाटत नाही की जिथे अपात्रिय मुख्यमंत्री पण दान करतील. जर त्यांनी कधी दान केलं तर ते दान करतील, असे म्हणत त्यांनी नीलम गोर्हे यांना प्रत्युत्तर दिले आहे.

भाजप युवा मोर्चाचा बडा मासा शिवसेनेच्या गळाला, आदित्य म्हणाले, आता डोक्यावर बसायचं