म. टा. वृत्तसेवा, पालघर
'एक होता कार्व्हर'सारख्या पुस्तकांची मराठी साहित्यात मोलाची भर घालणाऱ्या सुप्रसिध्द लेखिका वीणा गवाणकर यांना नुकतेच यंदाचा 'झी मराठी उंच माझा झोका गं जीवन गौरव पुरस्काराने' गौरविण्यात आले. या पुरस्काराची एक लाखाची रक्कम त्यांनी निराधारांसाठी कार्य करणाऱ्या जीवन आनंद संस्थेचे सचिव संदीप परब यांच्याकडे सुपूर्द केली.
जीवन आनंद संस्था ही रस्त्यावरच्या निराधारांसाठी पाच वर्षांहून अधिक काळ कार्यरत असून वीणा गवाणकर या संस्थेच्या सुरुवातीपासून हितचिंतक मैत्रीण राहिल्या आहेत. त्यांनी जीवन आनंद संस्थेला दिलेल्या या अनमोल देणगीबद्दल परब यांनी त्यांचे आभार मानले.