रणकपूर एक्स्प्रेसचे ब्रेक जाम; 'परे'वर रखडपट्टी

मटा वृत्तसेवा, पालघर

पश्चिम रेल्वेच्या सफाळे ते केळवे स्टेशन दरम्यान वांद्रे टर्मिनस येथून सुटलेल्या वांद्रे-रणकपूर एक्स्प्रेसचा ब्रेक जाम झाल्यामुळे सुमारे एक तास विरार ते डहाणू मार्ग विस्कळीत झाला होता. आता ही गाडी मार्गस्थ झाली असून पश्चिम रेल्वेवरील वाहतूक हळूहळू पूर्वपदावर येत आहे.

रणकपूर एक्स्प्रेस पाठोपाठ मुंबई सेंट्रल व वांद्रे टर्मिनसवरुन सुटलेल्या राजधानी, ऑगस्ट क्रांती, अजमेर, बीकानेर आदि गाड्या बोरीवली, वैतरणा स्टेशनात बाजूला काढून ठेवण्यात आल्या होत्या. विरार स्थानकातून सुटणारी विरार-सूरत शटल, डहाणूहून येणारी लोकल व चर्चगेट येथून सुटलेली डहाणू लोकलही थांबवून ठेवण्यात आल्या आहेत. या सर्व गाड्या आता मार्गस्थ झाल्या आहेत.