म. टा. वृत्तसेवा, ठाणे
बिटकॉइन फसवणुकीप्रकरणी ठाणे गुन्हे शाखेने आणखी दोन आरोपींना अटक केली आहे. त्यामुळे आतापर्यंत अटक आरोपींची संख्या तीन झाली आहे. यापूर्वी गुन्हे शाखेने मुख्य सूत्रधार अमित भारद्वाज याला येरवडा कारागृहातून ताब्यात घेतले होते.
गेन बिट कॉइन कंपनीत १८ महिन्यांसाठी बिट कॉइन गुंतविल्यास दरमहा १० टक्के परतावा मिळेल, असे आमिष दाखवले होते. या आमिषाला बळी पडलेले कल्याणचे रघुवीर कुलकर्णी यांनी २२ लाखांहून अधिक रुपयांची गुंतवणूक केली होती. इतरही काही गुंतवणूकदारांनीही बिटकॉइन खरेदी केले होते. मात्र नंतर ही कंपनी बंद झाली आणि गुंतवणूकदारांना दिलेले आश्वासनही हवेत विरले. गुंतवणूकदारांना कोणताही परतावा मिळाला नाही. फसवणुकीप्रकरणी अमित याच्यासह अजय भारद्वाज, रवी मिश्रा, सुरज सिंग, रतन मोरपानी आणि अमित बीर यांच्याविरुद्ध खडकपाडा पोलिस ठाण्यात जूनमध्ये गुन्हा दाखल करण्यात आला होता. या फसवणुकीचा तपास करणाऱ्या गुन्हे शाखेने अमितला अटक केली. त्यानंतर आता बीर याच्यासह अन्य एका आरोपीला अटक केली असल्याची माहिती पोलिस अधिकाऱ्यांनी दिली.
बिटकॉइन फसवणुकीप्रकरणी ठाणे गुन्हे शाखेने आणखी दोन आरोपींना अटक केली आहे. त्यामुळे आतापर्यंत अटक आरोपींची संख्या तीन झाली आहे. यापूर्वी गुन्हे शाखेने मुख्य सूत्रधार अमित भारद्वाज याला येरवडा कारागृहातून ताब्यात घेतले होते.
गेन बिट कॉइन कंपनीत १८ महिन्यांसाठी बिट कॉइन गुंतविल्यास दरमहा १० टक्के परतावा मिळेल, असे आमिष दाखवले होते. या आमिषाला बळी पडलेले कल्याणचे रघुवीर कुलकर्णी यांनी २२ लाखांहून अधिक रुपयांची गुंतवणूक केली होती. इतरही काही गुंतवणूकदारांनीही बिटकॉइन खरेदी केले होते. मात्र नंतर ही कंपनी बंद झाली आणि गुंतवणूकदारांना दिलेले आश्वासनही हवेत विरले. गुंतवणूकदारांना कोणताही परतावा मिळाला नाही. फसवणुकीप्रकरणी अमित याच्यासह अजय भारद्वाज, रवी मिश्रा, सुरज सिंग, रतन मोरपानी आणि अमित बीर यांच्याविरुद्ध खडकपाडा पोलिस ठाण्यात जूनमध्ये गुन्हा दाखल करण्यात आला होता. या फसवणुकीचा तपास करणाऱ्या गुन्हे शाखेने अमितला अटक केली. त्यानंतर आता बीर याच्यासह अन्य एका आरोपीला अटक केली असल्याची माहिती पोलिस अधिकाऱ्यांनी दिली.