ठाणे : भाजप ही कल्चर्ड पार्टी आहे. या पक्षामध्ये संस्कार आहेत. त्यामुळे आम्हाला बोलता येत नाही, असे समजू नका. आम्हाला ही आरे ला कारे करता येते. हमारे पार्टी का नाम सुनके फ्लॉवर मत समजना फायर है हम, अशी डायलॉगबाजी भाजप महिला नेता चित्रा वाघ यांनी केली आहे. येणाऱ्या महानगरपालिका निवडणुकीमध्ये शिवसेना एकहाती सत्ता घेण्याचं दिवास्वप्नं पाहत आहेत. ते स्वप्नच राहणार असल्याचा टोला चित्र वाघ यांनी शिवसेनेला लगावला आहे. ठाण्यातील किसननगरमध्ये मोठ्या प्रमाणात भाजपमध्ये प्रवेश झाला शिवसेनेतून मोठ्या संख्येने लोक भाजपमध्ये येत आहेत. ठाण्यामधील मिशन कमळला हा जनतेचा शुभसंकेत मिळत असल्याचे देखील वाघ यांनी सांगितले. भाजपमधील काही नगरसेवक शिवसेनेत जाणार आहेत भाजप पार्टी पक्ष फुटणार अशा प्रकारच्या वल्गना करणारे वावड उठवणाऱ्यांना किसननगर आणि वर्तक नगरमधील भाजप पक्षप्रवेश ही फार मोठी चपराक लागणार असल्याचे चित्रा वाघ म्हणाल्या. ठाण्यातील वर्तकनगर भीमनगर येथे आयोजित पक्षप्रवेश कार्यक्रमासाठी चित्रा वाघ या उपस्थित होत्या. या कार्यक्रमाला महिलांनी मोठी उपस्थिती लावली होती. या कार्यक्रमावेळी शिवसेनेतील शेकडो महिलांनी आणि कार्यकर्त्यांनी भाजपमध्ये प्रवेश केला ठाणे झपाट्याने वाढत चालल आहे. दोन दोन ‘हेवी वेट’ (Heavy weight) कॅबिनेट मंत्री या ठाण्यात आहेत आणि शिवसेना गेली ३५ वर्ष या ठिकाणी कुंडली मारून बसले आहेत. हे नेते साधं पाणीसुद्धा ठाणेकरांना देऊ शकले नाही. ठाण्याला लागून असलेल्या असलेल्या नवी मुंबई महापालिकेकडे स्वतःचे धरण आहे आणि ठाणेकरांना मात्र पाणी देखील विकत आणवं लागतंय ही परिस्थिती सत्ताधाऱ्यांनी निर्माण केली आहे. ३५ वर्ष सत्तेत असून वॉटर, मीटर, गटर सारखे प्रश्न सोडवता आले नाही. नागरिकांना साध्या बसेसची सुविधा देऊ शकले नाही. कोविड काळात झालेल्या भ्रष्टाचार रोज लोकांच्या समोर येतात आणि हे मात्र एकमेकांमध्ये वाद करण्यात रमले होते. त्यांना लोकांच्या सुखाशी आणि दु:खाशी या काही देणघेणं नाही, असा आरोपदेखील यावेळी बोलताना चित्रा वाघ यांनी केला आहे. मध्यंतरी ठाण्यातील महाविकास आघाडीतील राष्ट्रवादीतील सत्ताधाऱ्यांनीच ‘क्लस्टर पुन्हा गाजर’ असल्याचे बॅनर लावले होते. त्यामुळे हे सत्ताधारी ठाणेकरांची फसवणूक करण्याचं काम करत आहेत. येणाऱ्या निवडणुकीत मत मागायला आल्यानंतर या सत्ताधाऱ्यांना जाब विचारल्याशिवाय सोडू नका, असे चित्रा वाघ म्हणाल्या.
हमारे पार्टी का नाम सुनके फ्लॉवर मत समजना फायर है हम; चित्रा वाघ यांचा शिवसेनेवर हल्लाबोल
ठाण्यामधील मिशन कमळला हा जनतेचा शुभसंकेत मिळत असल्याचे देखील वाघ यांनी सांगितले. भाजपमधील काही नगरसेवक शिवसेनेत जाणार आहेत भाजप पार्टी पक्ष फुटणार अशा प्रकारच्या वल्गना करणारे वावड उठवणाऱ्यांना किसननगर आणि वर्तक नगरमधील भाजप पक्षप्रवेश ही फार मोठी चपराक लागणार असल्याचे चित्रा वाघ म्हणाल्या.
हायलाइट्स:
- या कार्यक्रमाला महिलांनी मोठी उपस्थिती लावली होती
- शिवसेनेतील शेकडो महिलांनी आणि कार्यकर्त्यांनी भाजपमध्ये प्रवेश केला