​ लाचखोर चव्हाण अद्याप फरारच!

अंबरनाथ : नगरपरिषदेतील सहाय्यक नगररचनाकार असलेला विद्यासागर चव्हाण हा पालिकेतील एका जमिनीच्या प्रमाणपत्रासाठी लाच स्वीकारताना, लाचलुचपत विभागाच्या नजरेसमोरूनच निसटला होता. त्यामुळे चव्हाणचा शोध घेण्यासाठी मूळ गावी, राहते घर आणि न्यायालयात पोलिस पाळत ठेवत असून फरार चव्हाणचा शोध घेण्यात येत आहे.

चव्हाणच्या शोधासाठी मंगळवार आणि बुधवारी त्याचा शोध सुरू होता. चव्हाण याच्या ठाणे येथील घरी तसेच उस्मानाबाद या मूळ गावी पोलिसांचे पथक रवाना झाले. मात्र या ठिकाणी तो आढळून न आल्याने पोलिसांना रिकाम्या हाताने परतावे लागले होते. हा गुन्हा मुंबई लाचलुचपत विभागाकडून ठाणे लाचलुचपत विभागाकडे वर्ग करण्यात आला आहे.