मुख्याधिकारी देविदास पवार यांची स्पष्टोक्ती
म. टा. वृत्तसेवा, अंबरनाथ
पालिकेची परवानगी न घेता परस्पर रस्ता बनवून त्याच्या मोबदल्यात टीडीआर व अन्य नफा मिळविण्याचा प्रयत्न काही बिल्डर करीत आहेत. मात्र या रस्त्याच्या मोबदल्यात संबंधित बिल्डरांना कोणताही मोबदला देण्यात येणार नाही, असा इशाराच मुख्याधिकारी देविदास पवार यांनी दिला आहे.
विकास आराखड्यातील सर्व्हे नंबर ५८ या शिवमंदिराच्या मागील बाजूस रिलायन्स रेसिडन्सी ते आनंद नगर एमआयडीसी पाइपलाइनपर्यंतचा रस्ता साधारण ७०० मीटरचा असून तो १८ मीटर रंदीचा आहे. गेल्या काही महिन्यांपासून या रस्त्याचे काँक्रिटीकरणाचे काम येथील बिल्डरांनी सुरू केले आहे. मात्र या रस्त्याच्या कामाबाबत त्यांनी अंबरनाथ नगरपरिषदेची कोणतीही परवानगी घेतलेली नाही. या संदर्भात ‘मटा’ने वेळोवेळी वृत्त प्रसिद्ध केल्यानंतर तत्कालीन मुख्याधिकारी गणेश देशमुख यांनी रस्त्यासाठी टीडीआर किंवा अन्य कोणताही मोबदला पालिका संबंधीत बिल्डरांना देणार नाही, असे सर्वसाधारण सभेत जाहीर केले हेते. असे असतानाही या बिल्डरांनी रस्त्याच्या काँक्रिटीकरणाला सुरुवात करून तो पूर्णही केला. दरम्यान मुख्याधिकारी गणेश देशमुख यांची २८ मे २०१७ रोजी बदली झाल्याने व त्यांच्या जागी बदलापूरचे मुख्याधिकारी देविदास पवार यांनी २ जुलै रोजी अंबरनाथ नगरपरिषदेचा कार्यभार स्वीकारला आहे. देशमुख यांच्या बदलीमुळे या बिल्डरांनी पालिकेतील एका अधिकाऱ्याला हाताशी धरून रस्त्याच्या मोबदल्यात टीडीआर आणि इतर फायदा मिळवून देण्यासाठी प्रयत्न सुरू केला असल्याचे सूत्रांचे म्हणणे आहे. मात्र असा कोणताही मोबदला देण्यात येणार नसल्याचे मुख्याधिकारी देविदास पवार यांनी माहिती देताना सांगितले.
म. टा. वृत्तसेवा, अंबरनाथ
पालिकेची परवानगी न घेता परस्पर रस्ता बनवून त्याच्या मोबदल्यात टीडीआर व अन्य नफा मिळविण्याचा प्रयत्न काही बिल्डर करीत आहेत. मात्र या रस्त्याच्या मोबदल्यात संबंधित बिल्डरांना कोणताही मोबदला देण्यात येणार नाही, असा इशाराच मुख्याधिकारी देविदास पवार यांनी दिला आहे.
विकास आराखड्यातील सर्व्हे नंबर ५८ या शिवमंदिराच्या मागील बाजूस रिलायन्स रेसिडन्सी ते आनंद नगर एमआयडीसी पाइपलाइनपर्यंतचा रस्ता साधारण ७०० मीटरचा असून तो १८ मीटर रंदीचा आहे. गेल्या काही महिन्यांपासून या रस्त्याचे काँक्रिटीकरणाचे काम येथील बिल्डरांनी सुरू केले आहे. मात्र या रस्त्याच्या कामाबाबत त्यांनी अंबरनाथ नगरपरिषदेची कोणतीही परवानगी घेतलेली नाही. या संदर्भात ‘मटा’ने वेळोवेळी वृत्त प्रसिद्ध केल्यानंतर तत्कालीन मुख्याधिकारी गणेश देशमुख यांनी रस्त्यासाठी टीडीआर किंवा अन्य कोणताही मोबदला पालिका संबंधीत बिल्डरांना देणार नाही, असे सर्वसाधारण सभेत जाहीर केले हेते. असे असतानाही या बिल्डरांनी रस्त्याच्या काँक्रिटीकरणाला सुरुवात करून तो पूर्णही केला. दरम्यान मुख्याधिकारी गणेश देशमुख यांची २८ मे २०१७ रोजी बदली झाल्याने व त्यांच्या जागी बदलापूरचे मुख्याधिकारी देविदास पवार यांनी २ जुलै रोजी अंबरनाथ नगरपरिषदेचा कार्यभार स्वीकारला आहे. देशमुख यांच्या बदलीमुळे या बिल्डरांनी पालिकेतील एका अधिकाऱ्याला हाताशी धरून रस्त्याच्या मोबदल्यात टीडीआर आणि इतर फायदा मिळवून देण्यासाठी प्रयत्न सुरू केला असल्याचे सूत्रांचे म्हणणे आहे. मात्र असा कोणताही मोबदला देण्यात येणार नसल्याचे मुख्याधिकारी देविदास पवार यांनी माहिती देताना सांगितले.