व्यावसायिकाची फसवणूक
रुग्णालयासाठी आवश्यक साहित्यांची ऑर्डर देऊन त्यापोटी निविदा फी घेत ठाण्यातील एका व्यावसायिकाची फसणूक करणाऱ्या चौघांविरुद्ध कासारवडवली पोलिस ...
ठाणे : रुग्णालयासाठी आवश्यक साहित्यांची ऑर्डर देऊन त्यापोटी निविदा फी घेत ठाण्यातील एका व्यावसायिकाची फसणूक करणाऱ्या चौघांविरुद्ध कासारवडवली पोलिस ठाण्यात गुन्हा दाखल करण्यात आला आहे. एकूण २ लाख ८० हजार ९५० रुपयांची फसवणूक करण्यात आली. अर्जुन सामंत यांचा मेडिकल साहित्य आणि रुग्णालयासाठी लागणाऱ्या फर्निचर विक्रीचा व्यवसाय आहे. या व्यवसायाची त्यांनी पोर्टलवर नोंदणी केली. सामंत यांना आधी एक ई मेल आला. नंतर तेजश शहा याने फोन करून तो पुण्यातील एका रुग्णालयामध्ये साहित्य पुरवण्याचे काम करत असल्याची माहिती दिली. निविदा फी म्हणून ३२ हजार ४०० रुपयांची मागणी केल्यानंतर सामंत यांनी फी भरली. पुन्हा ८३ हजार ४०० रुपयांची मागणी केली. सामंत यांच्याकडून वेगवेगळ्या रकमा उकळल्या.