जागतिक खारफुटी दिनानिमित्त पर्यावरण दक्षता मंडळ, मँग्रोव्ह सोसायटी ऑफ इंडिया व बा. ना. बांदोडकर सायन्स कॉलेज यांच्यातर्फे खाडी परिषदेचे आयोजन करण्यात आले आहे. ही परिषद २६ जुलै रोजी, सकाळी ११ वाजता, कॉलेजच्या पतंजली सभागृहात होणार आहे. यावेळी निवृत्त उपप्राचार्य रघुनंदन आठल्ये उपस्थित राहणार आहेत.
पुस्तक प्रकाशन
मनोमय प्रकाशनच्या वतीने सरिता दीक्षित यांच्या 'ध्येयसिद्धी' या पुस्तकाच्या प्रकाशन सोहळ्याचे आयोजन करण्यात आले आहे. हा कार्यक्रम २९ जुलै रोजी, सायंकाळी ६ वाजता, श्री स्वामी समर्थ सभागृह, दत्तवाडी, खारीगाव, कळवा येथे होईल. या कार्यक्रमाला लेखिका नूतन बांदेकर, वक्त्या डॉ. शिवांगी झरकर तसेच समाजसेवक प्रकाश चव्हाण हे प्रमुख पाहुणे म्हणून उपस्थित राहणार आहेत.
………………'लाभम' प्रशिक्षण
महाराष्ट्र सराफ सुवर्णकार महामंडळ व ठाणे ज्वेलरी असोसिएशन यांच्यातर्फे लाभम या एक दिवसीय प्रशिक्षणाचे आयोजन करण्यात आले होते. जेम्स व ज्वेलरी उद्योगाशी संबंधित तसेच सर्वोत्कृष्ट व्यवसाय तंत्राबद्दल यामध्ये मार्गदर्शन करण्यात आले. या व्यवसायाचा नफा, विश्वासार्हता वाढवण्यासाठी व हा उद्योग अधिक संघटीत होण्यासाठी लाभम कसा उपयोगी आहे, याची माहिती सरचिटणीस डी. एन. वॉल्टर्स यांनी दिली. लाभम या उपक्रमाचे उद्घाटन सार्वजनिक बांधकाममंत्री एकनाथ शिंदे यांच्या हस्ते झाले. यावेळी जेम्स व ज्वेलरी कौन्सिलचे संचालक नितीन कदम, महाराष्ट्र सराफ सुवर्णकार महामंडळाचे अध्यक्ष अनिल वाघाडकर व ठाणे ज्वेलरी असोसिएशनचे अध्यक्ष कमलेश श्रीश्रीमाळ उपस्थित होते.
………
रक्तदान शिबीर
ठाणे आयकर विभाग आणि रेड क्रॉस सोसायटी यांनी बुधवारी आयकर दिनानिमित्त आशर आयटी पार्क येथे रक्तदान शिबिराने आयोजन केले होते. या शिबिरास रेड क्रॉस सोसायटीचे पदसिद्ध अध्यक्ष जिल्हाधिकारी डॉ. महेंद्र कल्याणकर, मुख्य आयकर आयुक्त नित्यानंद मिश्रा, प्रधान आयकर आयुक्त प्रमोद कुमार, आयुक्त अपील्स सुभाषचंद्र, अतिरिक्त आयुक्त माओ, सहआयुक्त रजनी राय, निष्ठा तिवारी आदींची उपस्थिती होती. याप्रसंगी सुमारे २०० जणांनी रक्तदान केले.
व्याख्यान, टीएमपीसी व्यापारी मंच, दिलीप काळुस्कर यांचे शून्योपचार या विषयावर मार्गदर्शन, ओअॅसिस सभागृह, मखमली तलावाजवळ, ठाणे, सकाळी ७.१५ वाजता………….
सभा, सीनिअर सिटिझन्स क्लब, नॉर्थ संस्थेची वार्षिक सर्वसाधारण सभा, हिवर्धिनी सभागृह, ब्राह्मण सोसायटी, नौपाडा ठाणे, सायंकाळी ५ वाजता