म. टा. प्रतिनिधी, ठाणे
ठाण्याहून बदलापूरच्या दिशेने जाणाऱ्या लोकलमध्ये मंगळवारी रात्री मुंब्र्यातील एका तरुणाची सहप्रवाशाशी बाचाबाची झाली आणि त्याचे पर्यवसान धक्काबुक्कीत झाले. रागाच्या भरामध्ये सहप्रवाशाने तरुणास लाथ मारली असता चालत्या ट्रेनमधून हा तरुण रेल्वे रुळावर पडला. जासिर शेख (१९) असे या तरुणाचे नाव असून तो मुंबईतील ग्रँट रोड परिसरात काम करतो. या प्रकरणी पोलिसांनी एका व्यक्तीला पकडले होते, परंतु तो दुसराच प्रवासी असल्याचे स्पष्ट होताच पोलिसांनी संशयित व्यक्तीला सोडून दिले.
मध्य रेल्वेच्या गाड्यांमधील गर्दी वाढत असल्यामुळे संतप्त प्रवासी क्षुल्लक कारणांवरून एकमेकांवर आरोप-प्रत्यारोप करत असतात. याचे पर्यवसान अनेकवेळा हणामारीत होत असून मंगळवारी बदलापूर लोकलमध्ये असाच काहीसा प्रसंग उद्भवला होता. जासिर डब्यात चढल्यानंतर त्याचा धक्का एका प्रवाशाला लागल्याने त्यांच्यात बाचाबाची सुरू झाली. त्यावेळी गाडीतील काही प्रवाशांनी समजावण्याचा प्रयत्न केला तर काही जण मजा पाहत असल्याचे जासिरने म्हटले आहे. कळवा स्थानक सुटल्यानंतर जासिरचा पाय सहप्रवाशाला लागल्यानंतर त्यावरून पुन्हा शाब्दिक चकमक सुरू झाली. रागाच्या भरात सहप्रवाशाने लाथ मारल्याने खांबाचा हात सुटून जासीर रुळांवर कोसळला. त्याला दुखापत झाली परंतु त्याने तेथून एका मोटरसायकलस्वाराच्या मदतीने मुंब्रा गाठले व तेथून ठाणे रेल्वे पोलिस ठाण्यात पोहोचला. तेथे एका व्यक्तीला पोलिसांनी ताब्यात घेतले होते परंतु लाथ मारणारा तो व्यक्ती नसल्याने पोलिसांनी त्यास सोडून दिले. या प्रकरणी रेल्वे पोलिसात गुन्हा दाखल करण्यात आला आहे. तर, जासीर याला सिव्हिल रुग्णालयात उपचारासाठी पाठविण्यात आले.
ठाण्याहून बदलापूरच्या दिशेने जाणाऱ्या लोकलमध्ये मंगळवारी रात्री मुंब्र्यातील एका तरुणाची सहप्रवाशाशी बाचाबाची झाली आणि त्याचे पर्यवसान धक्काबुक्कीत झाले. रागाच्या भरामध्ये सहप्रवाशाने तरुणास लाथ मारली असता चालत्या ट्रेनमधून हा तरुण रेल्वे रुळावर पडला. जासिर शेख (१९) असे या तरुणाचे नाव असून तो मुंबईतील ग्रँट रोड परिसरात काम करतो. या प्रकरणी पोलिसांनी एका व्यक्तीला पकडले होते, परंतु तो दुसराच प्रवासी असल्याचे स्पष्ट होताच पोलिसांनी संशयित व्यक्तीला सोडून दिले.
मध्य रेल्वेच्या गाड्यांमधील गर्दी वाढत असल्यामुळे संतप्त प्रवासी क्षुल्लक कारणांवरून एकमेकांवर आरोप-प्रत्यारोप करत असतात. याचे पर्यवसान अनेकवेळा हणामारीत होत असून मंगळवारी बदलापूर लोकलमध्ये असाच काहीसा प्रसंग उद्भवला होता. जासिर डब्यात चढल्यानंतर त्याचा धक्का एका प्रवाशाला लागल्याने त्यांच्यात बाचाबाची सुरू झाली. त्यावेळी गाडीतील काही प्रवाशांनी समजावण्याचा प्रयत्न केला तर काही जण मजा पाहत असल्याचे जासिरने म्हटले आहे. कळवा स्थानक सुटल्यानंतर जासिरचा पाय सहप्रवाशाला लागल्यानंतर त्यावरून पुन्हा शाब्दिक चकमक सुरू झाली. रागाच्या भरात सहप्रवाशाने लाथ मारल्याने खांबाचा हात सुटून जासीर रुळांवर कोसळला. त्याला दुखापत झाली परंतु त्याने तेथून एका मोटरसायकलस्वाराच्या मदतीने मुंब्रा गाठले व तेथून ठाणे रेल्वे पोलिस ठाण्यात पोहोचला. तेथे एका व्यक्तीला पोलिसांनी ताब्यात घेतले होते परंतु लाथ मारणारा तो व्यक्ती नसल्याने पोलिसांनी त्यास सोडून दिले. या प्रकरणी रेल्वे पोलिसात गुन्हा दाखल करण्यात आला आहे. तर, जासीर याला सिव्हिल रुग्णालयात उपचारासाठी पाठविण्यात आले.