म. टा. प्रतिनिधी, ठाणे
बौद्धिक क्षमतेसह क्रीडा, कला, साहस अशा सर्व पैलूंचा वेध घेणाऱ्या स्टुडंट ऑफ द इयर स्पर्धेच्या अंतिम टप्प्यामध्ये सध्या १०० विद्यार्थ्यांमध्ये चुरस रंगली आहे. क्रिएटिव्ह फाऊंडेशनतर्फे आयोजित करण्यात आलेल्या या स्पर्धेत यंदा ७५०० विद्यार्थी सहभागी झाले असून त्यातील विविध टप्पे पूर्ण करत १०० विद्यार्थ्यांची निवड अंतिम फेरीसाठी करण्यात आली आहे.
शैक्षणिक प्रगतीसह विद्यार्थ्यांचा सर्वांगीण व्यक्तिमत्व विकास व्हावा यासाठी दरवर्षीप्रमाणे यंदाही स्टुटंड ऑफ द इयरचे आयोजन करण्यात आले आहे. ठाणे शहरातील आठवी आणि नववीच्या तब्बल ७५०० विद्यार्थ्यांनी यंदा सहभाग घेतला होता. बौद्धिक क्षमता चाचणी, शारीरिक क्षमता, उस्फूर्त भाषण, कलाविष्कार, साहसी खेळ अशा विविध चाचण्या घेण्यात आल्या. कलाविष्कारांच्या चाचण्यांनंतर अखेर सर्वोत्कृष्ट १०० विद्यार्थ्यांची निवड करण्यात आली असून १०० विद्यार्थ्यांमध्ये अंतिम फेरी रंगणार आहे.