सरकारी योजनांचे आमिष

म. टा. वृत्तसेवा, कल्याण

पंतप्रधान कौशल्य विकास योजनेअंतर्गत मोफत प्रशिक्षण देण्याबाबतची जाहिरात देत एका दुकलीने तिघांना १ लाख १६ हजार २५० रुपयांना गंडा घातल्याची घटना उघडकीस आली आहे. या प्रकरणी कोळसेवाडी पोलिस ठाण्यात गुन्हा दाखल केला आहे.

कल्याण पूर्वेकडील काटेमानवली नाका बालाजी रुग्णालयावर अविनाश कळंबकर व हेमांगी चौधरी यांनी कार्यालय थाटून या कार्यालयातून पंतप्रधान कौशल्य विकास योजनेअंतर्गत मोफत प्रशिक्षण देण्याबाबतची खोटी जाहिरात प्रसिद्ध केली होती. या जाहिरातीची माहिती मिळताच चिकणीपाडा परिसरात राहणारी महिला वंदना लोखंडे, सारिका जाधव यांनी त्यांना संपर्क केला. यानंतर अविनाश कळंबकर व हेमांगी चौधरी या दोघांनी जुलै महिन्यात वंदना लोखंडे यांच्याकडून ४७ हजार ५००, तर हेमांगी चौधरी यांच्याकडून २१ हजार २५०, विजय गोखले यांच्याकडून ४७ हजार ५०० रुपये असे १ लाख १६ हजार २५० रुपये उकळले.