तीन हातनाका उपवनसंरक्षक कार्यालयातील घटना
म. टा. वृत्तसेवा, ठाणे
खैर लाकडाच्या वाहतूक परवान्याबाबत विचारपूस करण्यासाठी आलेल्या दोघांनी विनविभागाच्या अधिकाऱ्यांना शिविगाळ करून धक्काबुक्की केली. तसेच ठार मारण्याची धमकी दिल्याची घटना ठाण्यातील तीनहातनाका येथील वनविभागाच्या उपवनसंरक्षक कार्यालयात घडली. या प्रकरणी नौपाडा पोलिस ठाण्यात गुन्हा दाखल करण्यात आला आहे.
शहापूर वनविभागाचे उप वनसंरक्षक धनाजी निकम (५५) काही कामानिमित्त गेल्या महिन्यात १७ तारखेला जिल्हाधिकारी कार्यालयात बैठकीसाठी आले होते. बैठक संपल्यानंतर तीनहात नाका येथील वनविभागाच्या कार्यालयात गेले. कार्यालयात काम करत असताना सायंकाळी ७ वाजून ३० मिनिटांनी काही इसम त्यांना भेटण्यासाठी आले होते. मात्र मुशीर नाचन आणि यासिन चिखलेकर दोघे केबिनमध्ये आले. मुशीरने खैर लाकडाच्या वाहतूक परवण्याबात निकम यांच्याकडे चौकशी केली. मात्र खैर मालाच्या वैधतेचा अहवाल सादर करण्यास शहापूर वनविभागाच्या कार्यालय सांगितले आहे. अहवाल प्राप्त होताच योग्य ती कार्यवाही करण्यात येईल, असे निकम म्हणाले. यावर संतप्त आरोपींनी त्यांना तसेच इतर अधिकाऱ्यांना शिविगाळ करून जीवे मारण्याची धमकी दिली. तसेच धक्काबुक्की करत सरकारी कामात अडथळा आणला. मात्र मानसिक धक्का बसल्याने त्याच दिवशी निकम यांनी तक्रार दिली नाही. बरे वाटल्यानंतर तसेच त्यांनी आपल्या वरिष्ठांना माहिती दिल्यानंतर तक्रारीसाठी पोलिस ठाण्यात धाव घेतली. त्यानंतर शुक्रवारी आरोपी मुशीर आणि यासिन या दोघांविरुद्ध गुन्हा दाखल करण्यात आला.
म. टा. वृत्तसेवा, ठाणे
खैर लाकडाच्या वाहतूक परवान्याबाबत विचारपूस करण्यासाठी आलेल्या दोघांनी विनविभागाच्या अधिकाऱ्यांना शिविगाळ करून धक्काबुक्की केली. तसेच ठार मारण्याची धमकी दिल्याची घटना ठाण्यातील तीनहातनाका येथील वनविभागाच्या उपवनसंरक्षक कार्यालयात घडली. या प्रकरणी नौपाडा पोलिस ठाण्यात गुन्हा दाखल करण्यात आला आहे.
शहापूर वनविभागाचे उप वनसंरक्षक धनाजी निकम (५५) काही कामानिमित्त गेल्या महिन्यात १७ तारखेला जिल्हाधिकारी कार्यालयात बैठकीसाठी आले होते. बैठक संपल्यानंतर तीनहात नाका येथील वनविभागाच्या कार्यालयात गेले. कार्यालयात काम करत असताना सायंकाळी ७ वाजून ३० मिनिटांनी काही इसम त्यांना भेटण्यासाठी आले होते. मात्र मुशीर नाचन आणि यासिन चिखलेकर दोघे केबिनमध्ये आले. मुशीरने खैर लाकडाच्या वाहतूक परवण्याबात निकम यांच्याकडे चौकशी केली. मात्र खैर मालाच्या वैधतेचा अहवाल सादर करण्यास शहापूर वनविभागाच्या कार्यालय सांगितले आहे. अहवाल प्राप्त होताच योग्य ती कार्यवाही करण्यात येईल, असे निकम म्हणाले. यावर संतप्त आरोपींनी त्यांना तसेच इतर अधिकाऱ्यांना शिविगाळ करून जीवे मारण्याची धमकी दिली. तसेच धक्काबुक्की करत सरकारी कामात अडथळा आणला. मात्र मानसिक धक्का बसल्याने त्याच दिवशी निकम यांनी तक्रार दिली नाही. बरे वाटल्यानंतर तसेच त्यांनी आपल्या वरिष्ठांना माहिती दिल्यानंतर तक्रारीसाठी पोलिस ठाण्यात धाव घेतली. त्यानंतर शुक्रवारी आरोपी मुशीर आणि यासिन या दोघांविरुद्ध गुन्हा दाखल करण्यात आला.